ຕາມຂ່າວສານຊິນຮວາ: ວັນທີ 19 ມິຖຸນານີ້ ໄດ້ມີການເປີດເຜີຍການຈັດອັນດັບຊຸບເປີຄອມພິວເຕີທີ່ທົນທານ 500 ເຄື່ອງໃນໂລກສະບັບໃໝ່ ໂດຍລະບຸວ່າ, ຊຸບເປີຄອມພິວເຕີຈີນສອງເຄື່ອງ ຄື: "ເຊີນເວີ່ຍ: ແສງທ້າຍຮູ" ແລະ "ທ່ຽນເຮີ 2" ສືບຕໍ່ຄອງອັນດັບໜຶ່ງແລະສອງເປັນຄັ້ງທີ 3, ຂະນະທີ່ "ພິສດາຍແອນ" ຂອງສະວິສເປັນອັນດັບສາມ ແຊງ "ທາຍທັນ" ຂອງອາເມລິກາໃຫ້ຫຼົ່ນລ້າມາຢູ່ອັນດັບທີສີ່ ແລະຈາກຜົນການຈັດອັນດັບດັ່ງກ່າວໄດ້ເຮັດໃຫ້ຊຸບເປີຄອມພິວເຕີອາເມລິກາບໍ່ຕິດສາມອັນດັບທຳອິດໃນຮອບ 20 ປີເປັນຄັ້ງທຳອິດ.
ການຈັດອັນດັບຊຸບເປີຄອມພິວເຕີທີ່ທົນທານ 500 ເຄື່ອງໃນໂລກຈະເປີດເຜີຍປີລະ 2 ເທື່ອ ແລະກ່ອນໜ້ານີ້ໜຶ່ງປີ, "ເຊີນເວີ່ຍ: ແສງທ້າຍຮູ" ຂອງຈີນໄດ້ແຊ໊ມເປັນຄັ້ງທຳອິດ ແລະຖືກຜູ້ຮຽບຮຽງການຈັດອັນດັບດັ່ງກ່າວປຽບດັ່ງເປັນ "ເຄື່ອງຄິດໄລ່ເລກທີ່ທົນທານທີ່ສຸດໃນໂລກນີ້ຢ່າງບໍ່ຕ້ອງສົງໄສ" ເຊິ່ງຊິ້ນສ່ວນຕົ້ນຕໍລ້ວນແຕ່ຜະລິດໂດຍຈີນ 100%.
ແນວໃດກໍດີ, ໃນຊຸບເປີຄອມພິວເຕີທີ່ທົນທານ 500 ເຄື່ອງນີ້, ອາເມລິກາຍັງຄອງປະລິມານຫຼາຍທີ່ສຸດ ຄືມີ 169 ເຄື່ອງ, ຂະນະທີ່ຈີນເປັນທີສອງ ມີ 159 ເຄື່ອງ.
 |
