ກ່ອນໜ້ານີ້ບໍ່ດົນ, ຄະນະກຳມະການພັດທະນາແລະປະຕິຮູບແຫ່ງລັດ ແລະອົງການທະເລແຫ່ງຊາດຈີນ ໄດ້ຮ່ວມກັນເປີດເຜີຍຫຼັກຄຶດການຮ່ວມມືທາງທະເລກ່ຽວກັບການສ້າງ "ໜຶ່ງແລວທາງໜຶ່ງເສັ້ນທາງ" ເຊິ່ງນັບວ່າເປັນຜົນງານໜຶ່ງຂອງເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ເສັ້ນທາງ".
ຫຼັກຄຶດດັ່ງກ່າວລະບຸວ່າ, ຕົ້ນຕໍຈະສ້າງສາມແລວທາງເສດຖະກິດສີຟ້າຄື: ແລວທາງເສດຖະກິດສີຟ້າຈີນ-ມະຫາສະໝຸດອິນເດຍ-ທະວີບອາຟຣິກາ-ທະເລເມດີເຕລາເນ ໂດຍຖືອົາແລວທາງເສດຖະກິດແຄມທະເລຈີນເປັນເສົາຄ້ຳ, ເຊື່ອມຕໍ່ແລວທາງເສດຖະກິດຈີນ-ແຫຼມອິນດູຈີນ, ຜ່ານທະເລຈີນໃຕ້ໄປສູ່ມະຫາສະໝຸດອິນເດຍ, ເຊື່ອມຕໍ່ແລວທາງເສດຖະກິດຈີນ-ປາກິສະຖານແລະບັງກາລະເດັດ-ຈີນ-ອິນເດຍ-ມຽນມາ; ແລວທາງເສດຖະກິດສີຟ້າຈີນ-ທະວີບໂອຊີອານີ-ມະຫາສະໝຸດປາຊິຟິກໃຕ້ໂດຍຜ່ານທະເລຈີນໃຕ້ເຂົ້າສູ່ມະຫາສະໝຸດປາຊິຟິກ ແລະ ແລວທາງເສດຖະກິດສີຟ້າເຊື່ອມຕໍ່ເອີຣົບໂດຍຜ່ານມະຫາສະໝຸດອາກຕິກ.
 |
