ກະຊວງການເງິນຟີລິບປີນອອກຖະແຫຼງການໃນວັນທີ 20 ມິຖຸນານີ້ວ່າ, ພາຍຫຼັງເຂົ້າຮ່ວມການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ແລ້ວ, ປະເທດຕົນຈະໄດ້ຮັບຜົນປະໂຫຍດຈາກການກໍ່ສ້າງພື້ນຖານໂຄງລ່າງແລະການເປີດກວ້າງຕະຫຼາດການຄ້າ.
ຖະແຫຼງການດັ່ງກ່າວໄດ້ອ້າງຕາມການເປີດເຜີຍຂອງທ່ານຄາລົສ ໂຕມິນກຸສ ລັດຖະມົນຕີການເງິນຟີລິບປີນວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ຈີນສະເໜີນັ້ນ, ໂດຍສະເພາະເນື້ອໃນ "ເສັ້ນທາງສາຍໄໝທາງທະເລສະຕະວັດທີ 21", ສາມາດເຊື່ອມຈອດກັບແຜນການກໍ່ສ້າງພື້ນຖານໂຄງລ່າງຂະໜາດໃຫຍ່ຂອງປະເທດຕົນ, ຂະນະດຽວກັນກໍສາມາດຊ່ວຍກະຈາຍຜະລິດຕະພັນຂອງປະເທດຕົນອອກສູ່ຕະຫຼາດໃຫຍ່ຢູ່ປະເທດລຽບຕາມ "ໜຶ່ງແລວທາງໜຶ່ງເສັ້ນທາງ", ທັງສາມາດຍົກຂີດຄວາມສາມາດການແຂ່ງຂັນໃນທົ່ວໂລກໃຫ້ສູງຂຶ້ນ.
 |
