ຕາມຂ່າວສານໂຢນຮັບຂອງ ສ.ເກົາຫຼີ ລາຍງານວ່າ: ວັນທີ 21 ມິຖຸນານີ້, ສະຖານທູດ ສ.ເກົາຫຼີ ປະຈຳຟີລິບປິນໄດ້ໃຫ້ຮູ້ວ່າ: ໃນວັນທີ 9 ມິຖຸນານີ້, ທ້າວໂຊຍ ປະຊາຊົນ ສ.ເກົາຫຼີ ທີ່ຂາດການຕິດຕໍ່ກັບພາຍນອກຂະນະທີ່ປີນຟູຢູ່ເຂດບາລິກໃກ້ບາກຸ້ຍໂອປະເທດຟີລິບປິນໄດ້ຮັບການຊ່ວຍເຫຼືອແລ້ວໃນວັນທີ 20 ເດືອນນີ້, ຂະນະທີ່ສຸຂະພາບຂອງລາວກໍກັບຄືນສູ່ສະພາບປົກກະຕິແລ້ວ.
ວັນທີ 9 ມິຖຸນານີ້, ທ້າວໂຊຍ ໄດ້ຫຼົງທາງຂະນະທີ່ປີນພູ ແລະຮອດວັນທີ 13 ມິຖຸນານີ້ຈຶ່ງສາມາດຕິດຕໍ່ກັບສະມາຄົມຄົນເກົາຫຼີຂອງ Angeles city ປະເທດຟີລິບປິນໄດ້, ສະມາຄົມດັ່ງກ່າວໄດ້ລາຍງານສະພາບຂອງລາວຕໍ່ສະຖານທູດ ສ.ເກົາຫຼີ ປະຈຳຟີລິບິນ ແລະໄດ້ຂໍການຊ່ວຍເຫຼືອຈາກລັດຖະບານຟີລິບປິນ. ຫຼັງຈາກນັ້ນ, ຟີລິບປິນກໍໄດ້ຄົ້ນຫາຢູ່ເຂດພູດັ່ງກ່າວ.
ທ້າວໂຊຍກ່າວຫຼັງໄດ້ຮັບການຊ່ວຍເຫຼືອໃນວັນທີ 20 ມິຖຸນານີ້ວ່າ: ຕົນຮູ້ສຶກເມື່ອຍຫຼາຍ ບໍ່ສາມາດກິນເຂົ້າແລະເວົ້າບໍ່ໄດ້ພໍຄຳ, ແຕ່ສຸຂະພາບບໍ່ມີບັນຫາ. ຂະນະທີ່ຄອບຄົວຂອງລາວຕ່າງກໍຮ້ອງໄຫ້ຂະນະທີ່ເຫັນລາວຖືກນຳລົງມາຈາກພູແລະກ່າວສະແດງຄວາມຂອບໃຈຕໍ່ເຈົ້າໜ້າທີ່ກູ້ໄພເທື່ອແລ້ວເທື່ອອີກ, ທັງກ່າວວ່າການທີ່ລາວສາມາດລອດຊີວິດໄດ້ມັນຊ່າງເປັນເລື່ອງອັດສະຈັນແທ້ໆ.