ຮູບເງົາເອກະສານຕ້ານ THAAD ເລື່ອງ "The Blue Butterfly Effect" ເລື່ອງທຳອິດຂອງ ສ.ເກົາຫຼີ ທີ່ທ່ານ ປັກມູນຊີວ ຜູ້ກຳກັບການສະແດງປະເທດດັ່ງກ່າວກຳກັບນັ້ນໄດ້ເລີ່ມສາຍໃນທົ່ວປະເທດຢ່າງເປັນທາງການ. ເລື່ອງດັ່ງກ່າວສ່ອງແສງໃຫ້ເຫັນເຖິງບັນດາແມ່ທີ່ຕໍ່ຕ້ານ THAAD ກຸ່ມໜຶ່ງ ໄດ້ບັນທຶກເຫດການອັນແສນລຳບາກຢ່າງລະອຽດທີ່ປະຊາຊົນເມືອງຊິງຈູແຂວງກິງຊັງເໜືອຍຶດໝັ້ນການຕ້ານ THAAD ນັບແຕ່ ສ.ເກົາຫຼີ ແລະ ອາເມລິກາໄດ້ປະກາດຕິດຕັ້ງລະບົບ THAAD ເມືອງດັ່ງກ່າວເມື່ອເດືອນກໍລະກົດປີ 2016 ຜ່ານມາ.
ທ່ານ ລີເຈມິງ ເຈົ້າເມືອງຊຽງນາມ ອະດີດຜູ້ສະໝັກຮັບເລືອກຕັ້ງປະທານາທິບໍດີ ສ.ເກົາຫຼີ ໃນປີນີ້ໄດ້ສະແດງທ່າທີຕ້ານການຕິດຕັ້ງລະບົບ THAAD ຢ່າງຈະແຈ້ງມາໂດຍຕະຫຼອດ ໄດ້ຕີລາຄາຮູບເງົາເລື່ອງດັ່ງກ່າວວ່າ: ຮູບເງົາເລື່ອງນີ້ຈະສາມາດເຮັດໃຫ້ປະຊາຊົນມີສະຕິສຳນຶກເຖິງສະຖານະການໃນປັດຈຸບັນວ່າມີຄວາມໜັກໜ່ວງແນວໃດ ແລະກາຍເປັນໂອກາດທີ່ເຮັດໃຫ້ພວກເຮົາຮ່ວມກັນຫັນປ່ຽນສະພາບການໃນປັດຈຸບັນ.
ຮູບເງົາດັ່ງກ່າວຈະສາຍຢູ່ໂຮງຮູບເງົາ 50 ກວ່າໂຮງໃນເຊອູນ,ອິນຊອນ,ເດຈອນ,ກວາງຈູແລະຕົວເມືອງ ອື່ນໆຂອງ ສ.ເກົາຫຼີ.
 |
