ຕາມຂ່າວCRI: ການຫາລືການຮ່ວມມືດ້ານຂະແໜງການຈີນ-ອາຊຽນໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 22 ມິຖຸນານີ້ ໂດຍນັ້ນຜັນຂະຫຍາຍເນື້ອໃນ "ຖະແຫຼງການຮ່ວມວ່າດ້ວຍການຮ່ວມມືດ້ານຂະແໜງການຈີນ-ອາຊຽນ" ທີ່ຜ່ານໃນກອງປະຊຸມສຸດຍອດຈີນ-ອາຊຽນເມື່ອເດືອນກັນຍາປີຜ່ານມາ ທັງໄດ້ວິເຄາະຂົງເຂດບູລິມະສິດການຮ່ວມມື, ການເຕົ້າໂຮມຄວາມມຸ່ງຫວັງແລະຈຸດສົນໃຈຂອງບັນດາຝ່າຍ ແລະຮ່ວມກັນປຶກສາຫາລືຄວາມຄືບໜ້າໃໝ່ໃນການຮ່ວມມືດ້ານຂະແໜງການລະຫວ່າງຈີນ-ອາຊຽນຕໍ່ການສ້າງເສັ້ນທາງສາຍໄໝທາງທະເລ.
ຜູ້ເຂົ້າຮ່ວມກອງປະຊຸມເຫັນວ່າ, ການເພີ່ມທະວີກົນໄກຮ່ວມມືດ້ານຂະແໜງການແບບສັງລວມລະຫວ່າງຈີນກັບອາຊຽນມີຄວາມສຳຄັນທີ່ສຸດ ໃນຂັ້ນຕອນການປະຕິບັດການຮ່ວມມືດ້ານນີ້ ເຊິ່ງການສ້າງກົນໄກຮ່ວມມືມີຜົນດີຕໍ່ສອງຝ່າຍໃນການເພີ່ມທະວີການປະສານງານວາງແຜນແລະນະໂຍບາຍດ້ານຂະແໜງການ ແລະຊອກຫາຈຸດສູ້ຊົນການຮ່ວມມືທີ່ເໝາະສົມ, ຊຸກຍູ້ການສັບຊ້ອນແລະຍົກລະດັບຂະແໜງການ, ປັບປຸງໂຄງປະກອບການຄ້າ ໃຫ້ດີຂຶ້ນ, ຊຸກຍູ້ການລົງທຶນຕໍ່ກັນ ແລະຊ່ວຍວິສາຫະກິດໃນຂົງເຂດສຳຄັນຂອງສອງຝ່າຍເຂົ້າຮ່ວມການສ້າງ "ໜຶ່ງແລວທາງໜຶ່ງເສັ້ນທາງ" ໂດຍສະເພາະແມ່ນການສ້າງເສັ້ນທາງສາຍໄໝທາງທະເລ.
 |
