ຕາມຂ່າວCRI：ວັນທີ 23 ມິຖຸນານີ້, ການສູ້ຮົບເພື່ອຍາດເມືອງໂມຊູເກົ່າຄືນຂອງກອງທະຫານລັດຖະບານອີຣັກໄດ້ດຳເນີນໄປຢ່າງຕໍ່ເນື່ອງ. ຜ່ານການສູ້ຮົບຢ່າງດຸເດືອດເປັນເວລາ 1 ອາທິດ, ທະຫານລັດຖະບານໄດ້ຄວບຄຸມ 60 ເປີເຊີນຂຶ້ນໄປຂອງເຂດເມືອງເກົ່າ. ຄຽງຄູ່ກັບບັ້ນຮົບໃໝ່ຈະດຳເນີນຕໍ່ໄປ, ປະຊາຊົນທີ່ຖືກສະກັດກັ້ນຢ່າງຫຼວງຫຼາຍໄດ້ຖອນອອກຕາມລຳດັບ. ພາກສ່ວນການຊ່ວຍເຫຼືອຂອງອີຣັກກ່າວວ່າ, ເສິກການເມືອງໄດ້ເຮັດໃຫ້ປະຊາຊົນເປັນລ້ານຄົນຍົກຍ້າຍອອກຈາກບ້ານເກີດເມືອງນອນ.
ວັນທີ 22 ມິຖຸນານີ້, ຮອງລັດຖະມົນຕີກະຊວງຊາວອົບພະຍົບແລະຊາວຍົກຍ້າຍອີຣັກກ່າວຕໍ່ນັກຂ່າວວ່າ, ນັບແຕ່ການສູ້ຮົບເພື່ອຍາດເມືອງໂມຊູຄືນໄດ້ເລີ່ມດຳເນີນໃນ ເດືອນຕຸລາປີຜ່ານມາເປັນຕົ້ນມາ, ລວມມີປະຊາຊົນ 9 ແສນ 6 ໝື່ນຄົນຍົກຍ້າຍອອກຈາກບ້ານເກີດເມືອງນອນ, ໃນນັ້ນມີ 7 ແສນ 1 ໝື່ນຄົນມາຈາກເຂດຕາເວັນຕົກຂອງເມືອງໂມຊູນ.ຄາດວ່າຄຽງຄູ່ກັບສົງຄາມທີ່ກໍ່ຂຶ້ນຢູ່ເຂດເມືອງເກົ່າຈະດຳເນີນຢ່າງຕໍ່ເນື່ອງ, ຍັງຈະມີປະຊາຊົນຢ່າງຫຼວງຫຼາຍຖອນອອກໄປ. ທ່ານຮຽກຮ້ອງໃຫ້ອົງການສາກົນດຳເນີນການຮ່ວມມືເພື່ອຫຼຸດຜ່ອນຄວາມທຸກຍາກຂອງປະຊາຊົນ, ແລະຮຽກຮ້ອງໃຫ້ອົງກອນລັດຖຸບານທີ່ກ່ຽວຂ້ອງຂອງອີຣັກຟື້ນຟູການບໍລິການຂອງລັດຖະບານຢູ່ເຂດຖະໜົນທີ່ໄດ້ຮັບການເກັບຄືນຂອງເຂດເມືອງພາກຕາເວັນຕົກ, ສ້າງເງື່ອນໄຂໃຫ້ປະຊາຊົນເພື່ອກັບຄືນສູ່ບ້ານເກີດເມືອງນອນ.
