ຕອນບ່າຍວັນທີ 24 ມິຖຸນານີ້, ເວທີປຶກສາຫາລືທິດທາງຮ່ວມມືທາງຮູບເງົາຂອງປະເທດບຣິກສ໌ໃນໂອກາດບຸນຮູບເງົປະເທດບຣິກສ໌ເສິງຕູ່ຈີນ 2017 ຈັດຂຶ້ນຢູ່ເມືອງເສິງຕູ່ ແຂວງເສສວນຈີນໂດຍມີບຸກຄົນໃນວົງການຮູບເງົາຂອງ 5 ປະເທດເຂົ້າຮ່ວມ, ຄົ້ນຄວ້າຫາລືທິດທາງຮ່ວມມືໃນຕໍ່ໜ້າ.
ໃນເວທີປຶກສາຫາລື, ທ່ານຈ່າງພີ່ມິນ ຮອງຫົວໜ້າສະຫະພັນອົງການຈັດຕັ້ງສັງຄົມວິທະຍຸຮູບເງົາໂທລະພາບຈີນກ່າວວ່າ, ໃນບໍ່ເທົ່າໃດປີຜ່ານມານີ້, ຮູບເງົາຈີນມີທ່ວງທ່າພັດທະນາກ້າວໜ້າໄປດ້ວຍດີເຊິ່ງທົ່ວໂລກຕ່າງກໍຈັບຕາ. ທັງນີ້ບໍ່ພຽງແຕ່ຍ້ອນຄວາມພະຍາຍາມຂອງບຸກຄົນໃນວົງການຮູບເງົາຈີນນ, ຫາກຍັງໄດ້ຮັບການຊ່ອຍເຫຼືອຈາກເພື່ອນມິດຕ່າງປະເທດຕື່ມອີກ. ໃນໂອກາດທີ່ກຄົນໃນວົງການຮູບເງົາທີ່ດີເດັ່ນຂອງບັນດາປະເທດເຂົ້າຮ່ວມກໍຫວັງວ່າຈະຝັນການເພີ່ມທະວີການແລກປ່ຽນບົດຮຽນຂອງ 5 ປະເທດບຣິກສ໌, ເພື່ອພັດທະນາຮ່ວມກັນແລະກ້າວສູ່ການໄດ້ຮັບຜົນງານທີ່ມີຄວາມໝາຍສຳຄັນຢ່າງໃຫຍ່ຫຼວງ. ຈາກນີ້ຂໍເຊີນບຸກຄົນຮູບເງົາຈີນແລະຕ່າງປະເທດຮ່ວມມືກັນຢ່າງເຕັມກຳລັງ, ປະກອບສ່ວນເຂົ້າໃນຄວາມຫຼາກຫຼາຍຂອງວັດທະນະທຳຮູບເງົາໂລກ.
ນອກນີ້, ຜູ້ກຳກັບແລະຜູ້ອຳນວຍການສ້າງຮູບເງົາຂອງ 5 ປະເທດບຣິກສ໌ໄດ້ອະທິບາຍເນື້ອໃນຮູບເງົາເລື່ອງ" ເວລາເສຍໄປໃສແລ້ວ" ເຊິ່ງເປັນຮູບເງົາເລື່ອງທຳອິດທີ່ 5 ປະເທດຖ່າຍທຳຮ່ວມກັນ, ແລະໄດ້ປຶກສາຫາລືການເຜີຍແຜ່ວັດທະນະທຳຂອງປະເທດຕົນທີ່ປະສົມປະສານກັບວັດທະນະທຳຕ່າງປະເທດ, ຮ່ວມຊັບພະຍາກອນທີ່ເປັນທ່າແຮງເພື່ອຊຸກຍູ້ການພັດທະນາປະດິດສ້າງໃໝ່ຂອງຊາວໜຸ່ມໃນການຮ່ວມມື, ແລະໄດ້ວາງແຜນຮ່ວມມື້ຖ່າຍທຳຮູບເງົາແຕ່ປີ 2017 – 2021 ຕື່ມອີກ.
