ແຫຼ່ງຂ່າວຈາກຫ້ອງການທະນາຍຄວາມລິງຢຸນແຂວງຢຸນນານໃຫ້ຮູ້ໃນວັນທີ 29 ມິຖຸນານີ້ວ່າ: ຫ້ອງການທະນາຍຄວາມລານເມີຍຈີນທີ່ຮ່ວມສ້າງໂດຍຫ້ອງການທະນາຍຄວາມດັ່ງກ່າວ ແລະ ອີກ 4 ແຫ່ງນັ້ນ ໄດ້ເລີ່ມເປີດບໍລິການຢ່າງເປັນທາງການຢູ່ນະຄອນຢາງກຸ້ງປະເທດມຽນມາແລ້ວ ເຊິ່ງເປັນຫ້ອງການທະນາຍຄວາມສາກົນທີ່ຈີນລົງທຶນຜູ້ດຽວ.
ໂອກາດນີ້, ສະພາທະນາຍຄວາມທົ່ວປະເທດຈີນກໍໄດ້ສົ່ງໂທລະເລກສະແດງຄວາມຊົມເຊີຍ ໂດຍອວຍພອນໃຫ້ຫ້ອງການທະນາຍຄວາມລານເມີຍຈີນພັດທະນາຂຶ້ນເລື້ອຍໆ ແລະປະກອບສ່ວນອັນໃໝ່ເພື່ອໃຫ້ບໍລິການດ້ານກົດໝາຍທີ່ມີຄຸນນະພາບແລະມີປະສິດທິພາບສູງໃຫ້ແກ່ຈີນ-ມຽນມາ, ເຂດອາຊີຕາເວັນອອກສຽງໃຕ້ ກໍຄືອາຊີໃຕ້.
ທ່ານລີຈິ້ນຮວາ ກຳມະການປະຕິບັດງານຫ້ອງການທະນາຍຄວາມລານເມີຍຈີນ, ຫົວໜ້າຫ້ອງການທະນາຍຄວາມຈ້ຽນເວີຍປະຈຳຄຸນມິງ ກ່າວວ່າ: ຫ້ອງການທະນາຍຄວາມຕົນຈະຕັ້ງໜ້າຊຸກຍູ້ຂະແໜງການບໍລິການດ້ານກົດໝາຍທີ່ກ່ຽວພັນເຖິງຕ່າງປະເທດກັບຂະແໜງການບໍລິການອື່ນໆ ເປັນຕົ້ນ ການບັນຊີ, ການທະນາຄານ, ການປະກັນໄພ ແລະ ຫຼັກຊັບ ດຳເນີນການຮ່ວມມືວິຊາການໃນຫຼາຍຮູບແບບ, ຊຸກຍູ້ແລະເພີ່ມທະວີການແລກປ່ຽນແລະຮ່ວມມືດ້ານກົດໝາຍທຸລະກິດການຄ້າລະຫວ່າງຈີນແລະອາຊີຕາເວັນອອກສຽງໃຕ້ ກໍຄື ອາຊີໃຕ້.