ວັນທີ 28 ມິຖຸນານີ້, ຫ້ອງການຄວາມປອດໄພທາງອິນເຕີເນັດແລະຫັນເປັນຂໍ້ມູນຂ່າວສານນະຄອນຖ່ຽນສິນແລະກຸ່ມບໍລິສັດບໍລິການການທະນາຄານມາຢີໄດ້ຮ່ວມກັນຖະແຫຼງຂ່າວຫຼັງລົງນາມໃນບົດບັນທຶກຄວາມເຂົ້າໃຈການຮ່ວມມືວ່າ ຈະຊຸກຍູ້ການສ້າງ "ຕົວເມືອງບໍ່ໃຊ້ເງິນສົດ" ຢູ່ນະຄອນຖ່ຽນສິນ ລວມທັງຊຸກຍູ້ການຍົກລະດັບ "ອິນເຕີເນັດບວກວຽກງານບໍລິຫານ" ແລະ "ອິນເຕີເນັດບວກການບໍລິການສັງຄົມ" ແລະຮ່ວມກັນສ້າງ "ເຂດການຊື້ຂາຍບໍ່ໃຊ້ເງິນສົດ" ເພື່ອສ້າງເປັນຕົວເມືອງບໍ່ໃຊ້ເງິນສົດແຫ່ງທຳອິດຢູ່ພາກເໜືອຈີນ. ຈາກນີ້ຈະເຮັດໃຫ້ລະບົບການທະນາຄານສ້າງຜົນປະໂຫຍດໄດ້ຢ່າງທົ່ວເຖິງ ທັງເຮັດໃຫ້ທຸລະກິດການຄ້າມີຄວາມສະດວກສະບາຍ ແລະເຮັດໃຫ້ການບໍລິການສັງຄົມມີປະສິດທິພາບກວ່າເກົ່າ.
ຄາດວ່າໃນປີນີ້, ນະຄອນຖ່ຽນສິນຈະບັນລຸການບໍ່ໃຊ້ເງິນສົດໃນຂົງເຂດຄົມມະນາຄົມ, ສາທາລະນະສຸກ, ສຶກສາທິການ ແລະການປະກັນສັງຄົມ. ຂະນະດຽວກັນ, ໄດ້ມີ 12 ອົງການຈັດຕັ້ງແລະວິສາຫະກິດນະຄອນດັ່ງກ່າວປະກາດເຂົ້າຮ່ວມ "ສະຫະພັນບໍ່ໃຊ້ເງິນສົດ" ແລະສົ່ງເສີມການຊຳລະແບບບໍ່ໃຊ້ເງິນສົດ ເພື່ອອະນຸລັກສິ່ງແວດລ້ອມ.
 |
