ທ່ານຫານສາງຟູ້ ລັດຖະມົນຕີກະຊວງກະສິກຳຈີນຢືນຢັນໃນວັນທີ 29 ມິຖຸນານີ້ວ່າ: ຜົນການຕິດຕາມກວດກາຄຸນນະພາບຜະລິດຕະພັນກະສິກຳໃນ 6 ເດືອນຕົ້ນປີນີ້ສະແດງໃຫ້ເຫັນວ່າ ຜະລິດຕະພັນກະສິກຳທີ່ໄດ້ມາດຕະຖານບັນລຸເຖິງ 97,6% ເຊິ່ງໄດ້ຮັກສາທ່ວງທ່າທີ່ໝັ້ນທ່ຽງແລະຂະຫຍາຍໄປສູ່ທາງທີ່ດີ.
ໂອກາດປະກອບຄຳຄິດເຫັນໃນກິດຈະກຳສັບປະດາໂຄສະນາເຜີຍແຜ່ຄວາມຮູ້ດ້ານຄວາມປອດໄພຂອງອາຫານທົ່ວປະເທດທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 29 ມິຖຸນານີ້,ທ່ານຫານສາງຟູ້ກ່າວວ່າ: ຊຸມປີມໍ່ໆມານີ້, ຂະແໜງການກະສິກຳທຸກຂັ້ນໄດ້ສຸມໃສ່ວຽກງານສ້າງເມືອງຜະລິດຕະພັນກະສິກຳທີ່ປອດໄພແລະຄຸນນະພາບດີລະດັບຊາດໂດຍກຳແໜ້ນວຽກງານທັງສອງດ້ານຄືການປະຕິບັດກົດໝາຍຕິດຕາມຄຸ້ມຄອງ ແລະປະຕິບັດມາດຕະການການຜະລິດແບບມາດຕະຖານ ເພື່ອເຮັດໃຫ້ຜະລິດຕະພັນກະສິກຳມີຄຸນນະພາບແລະປອດໄພຂຶ້ນເລື້ອຍໆ. ຫຼັງຈາກລັດຖະບານໄດ້ສ້າງບັນຊີລາຍຊື່ເມືອງຜະລິດຕະພັນກະສິກຳທີ່ປອດໄພແລະຄຸນນະພາບດີລະດັບຊາດຊຸດທຳອິດ 107 ເມືອງແລ້ວ, ປະຊາຊົນມີຄວາມເພິ່ງພໍໃຈສູງຂຶ້ນ 12%, ສ່ວນອັດຕາໄດ້ມາດຕະຖານຂອງຜະລິດຕະພັນກະສິກຳກໍໄດ້ສູງຂຶ້ນ 4%.