ວັນທີ 29 ມິຖຸນານີ້, ຢູ່ນະຄອນຫຼວງປັກກິ່ງ, ທ່ານອູຊຽນ ໂຄສົກກະຊວງປ້ອງກັນປະເທດຈີນຢືນຢັນວ່າ, ຂະບວນກຳປັ່ນບັນທຸກເຮືອບິນຫຼຽວໜິງຈະໄປຮົງກົງ ເພື່ອເຂົ້າຮ່ວມພິທີສະເຫຼີມສະຫຼອງວັນລະນຶກກອງທັບປົດປ່ອຍປະຊາຊົນຈີນເຂົ້າປະຈຳຢູ່ຮົງກົງຄົບຮອບ 20 ປີ.
ທ່ານອູຊຽນກ່າວວ່າ, ຮົງກົງກັບຄືນສູ່ປະເທດຊາດຄົບຮອບ 20 ປີກໍພໍດີກັບກອງທັບປົດປ່ອຍປະຊາຊົນຈີນເຂົ້າປະຈຳຢູ່ຮົງກົງຄົບຮອບ 20 ປີ, ເປັນມື້ທີ່ມີຄວາມໝາຍຄວາມສຳຄັນທີ່ສຸດແລະຕ້ອງມີການສະເຫຼີມສະຫຼອງຢ່າງຍິ່ງໃຫຍ່ແລະສົມກຽດ, ສຳລັບຂໍ້ມູນລະອຽດຈະເປີດເຜີຍໃຫ້ຮູ້ຕາມຄວາມເໝາະສົມ.
ທ່ານອູຊຽນກ່າວຕື່ມວ່າ, ກອງທັບຈີນຈະສົ່ງຄະນະໄປເຂົ້າຮ່ວມບັນເລງດົນຕີທະຫານສາກົນໃນພິທີດັ່ງກ່າວອີກດ້ວຍ.