ບໍລິສັດ Moody's Investors Service ທີ່ເປັນໜຶ່ງໃນສະຖາບັນຈັດອັນດັບຄວາມເຊື່ອໝັ້ນການລົງທຶນສາກົນໄດ້ອອກບົດລາຍງານໃນຫວ່າງກ່ອນນີ້ບໍ່ດົນ, ໂດຍປະເມີນອັນດັບຄວາມເຊື່ອໝັ້ນຂອງທະນາຄານລົງທຶນພື້ນຖານໂຄງລ່າງອາຊີຫຼື AIIB ຢູ່ໃນລະດັບ Aaa, ເຊິ່ງເປັນລະດັບຄວາມເຊື່ອໝັ້ນສູງສຸດຂອງບໍລິສັດດັ່ງກ່າວ.
ບໍລິສັດ Moody's ຢືນຢັນວ່າ, ໄດ້ໃຫ້ຜົນການປະເມີນດັ່ງກ່າວຫຼັງປະເມີນສະພາບສິນເຊື່ອໃນປັດຈຸບັນແລະອະນາຄົດຂອງ AIIB. ທັງພິຈາລະນາເຖິງໂຄງປະກອບຄຸ້ມຄອງທີ່ໝັ້ນທ່ຽງ, ລວມທັງປັດໄຈຕ່າງໆເຊັ່ນ: ນະໂຍບາຍຄຸ້ມຄອງຄວາມສ່ຽງ, ລະດັບຄວາມພຽງພໍຂອງທຶນແລະສະພາບເງິນຄ່ອງຂອງ AIIB.
ບົດລາຍງານລະບຸອີກວ່າ, ການຈ້ອງມອງອັນດັບຄວາມເຊື່ອ4nຂອງບໍລິສັດ Moody's ຕໍ່ AIIB ແມ່ນ "ໝັ້ນທ່ຽງ" ຫຼັງເຫັນວ່າ, AIIB ມີທຶນພຽງພໍແລະການສະໜັບສະໜູນອັນແຂງແຮງຈາກຜູ້ຖືຫຸ້ນຈະມີຜົນດີຕໍ່ AIIB ມີຄວາມສາມາດດ້ານການຊຳລະໜີ້ສິນດີສົມຄວນຂະນະທີ່ພັດທະນາກິດຈະກຳຂອງຕົນ.
 |
