ວັນທີ 1 ກໍລະກົດນີ້, ທ້າວ ຊົ້ງຈ້ຽນຮຸ່ຍທີ່ປັດຈຸບັນອາຍຸ 54 ປີພ້ອມດ້ວຍຜູ້ເປັນແມ່ອາຍຸ 84 ປີໄດ້ເດີນທາງກັບຄືນເມືອງເລີ້ຊ່ານແຂວງເສສວນຢ່າງປອດໄພ. ຫຼັງຕະຫຼອດໄລຍະ 17 ວັນ ແລະເດີນທາງເຖິງ 5.000 ກິໂລແມັດ, ທ້າວ ຊົ້ງຈ້ຽນຮຸ່ຍ ໄດ້ຂີ່ລົດຈັກຊ້ອນແມ່ໄປທ່ຽວເຂດປົກຄອງຕົນເອງຕິເບດໂດຍຜ່ານເຈຍຈ່ຽງ,ຫົງຢາ,ຢາອ່ານ,ລູຕິ້ງ,ຄ່າງຕິ້ງ,ຢາຈ່ຽງ,ຫຼີຖາງ,ປ່າຖາງ,ມາງຄ່າງແລະໂຈກົ້ງ ເຊິ່ງໃນທີ່ສຸດກໍໄປຮອດແລະທ່ຽວເມືອງລ່າຊ້າເຂດຕິເບດດ້ວຍຄວາມສະໜຸກສະໜານແລ້ວກໍໄດ້ເດີນທາງກັບບ້ານຢ່າງປອດໄພ.
ການໄປທ່ຽວເຂດຕິເບດແມ່ນຄວາມຝັນໃນຕະຫຼອດຊີວິດຂອງຜູ້ເປັນແມ່ແລະເພື່ອເຮັດໃຫ້ຄວາມຝັນຂອງແມ່ເປັນຈິງ,ທ້າວ ຊົ້ງຈ້ຽນຮຸ່ຍ ຈຶ່ງໄດ້ພາໄປທ່ຽວດ້ວຍການຂີ່ລົດຈັກ. ການປະພຶດຂອງທ້າວໄດ້ດຶງດູດຄວາມສົນໃຈຈາກບັນດາຜູ້ໃຊ້ອິນເຕີເນັດດ້ວຍການຍ້ອງຍໍແລະຍົກໂປ້ຕໍ່ຄວາມກະຕັນຍູກະຕະເວທີຂອງລາວຕໍ່ແມ່.