ເມື່ອບໍ່ດົນມານີ້, ອີອີເມດີ ເຊິ່ງເປັນສະຖາບັນຕົວເລກທາງອິນເຕີເນັດເຄື່ອນທີ່ຝ່າຍທີສາມ ໄດ້ເຜີຍແຜ່ "ບົດລາຍງານການສຶກສາຄົ້ນຄວ້າຕະຫຼາດການຄ້າແບບເອເລັກໂຕຣນິກຂ້າມຊາດຈີນໃນໄຕມາດທຳອິດຂອງປີ 2017" ໂດຍລະບຸວ່າ: ການຊື້ຂາຍຂ້າມຊາດໂດຍຜ່ານລະບົບເອເລັກໂຕຣນິກຂອງຈີນໃນປີ 2016 ໄດ້ບັນລຸມູນຄ່າ 6.300 ຕື້ຢວນ ເພີ່ມຂຶ້ນ 23,5% ແລະຄາດວ່າ ຈະບັນລຸ 8.800 ຕື້ຢວນໃນປີ 2018.
ອີອີເມດີ ເປີດເຜີຍວ່າ: ໃນຊຸມປີຜ່ານມາ, ການຊື້ຂາຍແບບເອເລັກໂຕຣນິກຂ້າມຊາດຂອງຈີນໄດ້ເພີ່ມຈາກ 2.900 ຕື້ຢວນເມື່ອປີ 2013 ຂຶ້ນເປັນ 6.300 ຕື້ຢວນໃນປີ 2016, ທັງຮັກສາຈັງຫວະການເຕີບໂຕໄດ້ຢ່າງວ່ອງໄວແລະຕໍ່ເນື່ອງມາໂດຍຕະຫຼອດ.
ບົດລາຍງານດັ່ງກ່າວຍັງຊີ້ໃຫ້ເຫັນວ່າ: ເມື່ອທຽບໃສ່ຮູບແບບອື່ນໆ ເປັນຕົ້ນ ໃຫ້ຜູ້ອື່ນຊ່ວຍຊື້ໃຫ້, ຊື້ທາງສື່ສັງຄົມອອນລາຍ(ລະບົບ wechat) ແລະໄປຊື້ຢູ່ຕ່າງປະເທດ, ຜູ້ບໍລິໂພກ 52,5% ມັກຊື້ເຄື່ອງຜ່ານເອເລັກໂຕຣນິກຂ້າມຊາດຫຼາຍກວ່າ ເຊິ່ງຕົ້ນຕໍມາຈາກລາຄາຖືກແລະຮັບປະກັນຄຸນນະພາບ.
