ຂະບວນລົດໄຟ 5633/34 ທີ່ແລ່ນຕາມລາງຜ່ານພູພຽງພ່ານຊີ່ແລະເຂດພູຕ້າຫຼຽງຊ່ານມາເປັນເວລາຫຼາຍສິບປີ ເຊິ່ງຍ່ານນີ້ເປັນຍ່ານທີ່ຄົດລ້ຽວທີ່ສຸດຂອງສາຍທາງລົດໄຟເສິງຕູ່-ຄຸນມິງ. ເນື່ອງຈາກເຂດພູຕ້າຫຼຽງຊ່ານເປັນພູມລຳເນົາທີ່ໃຫຍ່ທີ່ສຸດຂອງເຜົ່າຢີ໋ ທັງເປັນເຂດທີ່ມີຫຼາຍເມືອງທຸກຍາກໃນລະດັບຊາດ ແລະເພື່ອແກ້ໄຂຄວາມທຸກຍາກຂອງປະຊາຊົນ ຈິ່ງໄດ້ກຳນົດຂາຍປີ້ລົດໄຟສູງສຸດ 25,5 ຢວນ ແລະຕ່ຳສຸດ 2 ຢວນ, ຂະນະດຽວກັນກໍປະຕິບັດນະໂຍບາຍບໍ່ເສຍຄ່າສຳລັບຜູ້ເຖົ້າອາຍຸ 60 ປີຂຶ້ນໄປແລະຄອບຄົວຜູ້ທຸກຍາກ. ຕະຫຼອດໄລຍະເກືອບເຄິ່ງສະຕະວັດຜ່ານມາ, ຂະບວນລົດໄຟນີ້ໄດ້ບໍລິການພີ່ນ້ອງເຜົ່າຢີ໋ທຸກມື້ ແລະບໍ່ໄດ້ຂຶ້ນລາຄາມາເປັນເວລາ 20 ກວ່າປີ ທັງຖືວ່າເປັນຂະບວນລົດໄຟສົ່ງເດັກນ້ອຍເຂດພູດອຍອອກໄປສຶກສາຮ່ຳຮຽນຢູ່ພາຍນອກ, ພີ່ນ້ອງເຜົ່າຢີ໋ໄດ້ຂີ່ໄປຕະຫຼາດນັດ ແລະກໍເປັນຂະບວນລົດໄຟທີ່ແກ້ໄຂຄວາມທຸກຍາກແລະສ້າງຮັ່ງຄູນມີໃຫ້ພີ່ນ້ອງບັນດາເຜົ່ານັບມື້ຫຼາຍຂຶ້ນ.