ໃນໂອກາດນັກຂ່າວເດີນທາງໄປໜອງຫົງຫູທີ່ຢູ່ພາກຕາເວັນອອກສຽງໃຕ້ແຂວງຫູເປີຍເພື່ອສະເໜີຂ່າວ "ຢຸດການຫາປາເພື່ອປັບປຸງໜອງຄືນໃໝ່". ຂະນະທີ່ນັກຂ່າວໄດ້ຂີ່ເຮືອຈັກໄປໜອງດັ່ງກ່າວກໍໄດ້ເຫັນວ່າໜ້ານ້ຳກວ້າງກວ່າແຕ່ເກົ່າຫຼາຍ, ຄືມັນກວ້າງສຸດສາຍຕາແລະເຮືອກໍແລ່ນໄດ້ຢ່າງສະດວກສະບາຍ. ກ່ອນໜ້ານີ້, ເຂດສະຫງວນທຳມະຊາດລະດັບຊາດຫົງຫູທີ່ມີເນື້ອທີປະມານ41000ເຮັກຕານັ້ນໄດ້ນຳໃຊ້ເປັນສະຖານທີ່ລ້ຽງປາຕ່າງໆຂອງຊາວປະມົງກວມປະມານ1ສ່ວນ4, ໂດຍຢູ່ໜ້ານ້ຳມີກະຊັງກະແຈກກະຈາຍຢ່າງບໍ່ເປັນລະບຽບ. ດ້ວຍເຫດນີ້ເມື່ອເດືອນຜ່ານມາ, ອົງການຄຸ້ມຄອງເຂດສະຫງວນດັ່ງກ່າວໄດ້ຮື້ກະຊັງເຫຼົ່ານີ້ທັງໝົດ. ແຕ່ປານນັ້ນໃນປັດຈະບັນ,ຍັງມີກະຊັງຈຳນວນໜຶ່ງຈົມເລິກໃນຕົມຂອງໜອງ. ນັກຂ່າວໄດ້ກວາດສາຍຕາໄປເຫັນເຈົ້າໜ້າທີ່ຈຳນວນໜຶ່ງພວມດຶງກະຊັງທີ່ເຫຼືອເຫຼົ່ານີ້, ແຕ່ກໍຕ້ອງມີແຕ່ຫ້າຫົກຄົນລວມພະລັງຈຶ່ງສາມາດດຶງມັນຂຶ້ນມາໄດ້.