ໃນການຖະແຫຼງຂ່າວທີ່ຈັດຂຶ້ນຫຼັງສຳເລັດກອງປະຊຸມຜູ້ນຳກຸ່ມ 20 ປະເທດ ຫຼື G20 ຢູ່ແຮມເບີກໃນວັນທີ 8 ກໍລະກົດນີ້, ທ່ານນາງແອັນເຈີລາ ເມີເຄວ ນາຍົກລັດຖະມົນຕີເຢຍລະມັນກ່າວວ່າ, ຫຼັງຫາລືເປັນເວລາ 2 ວັນ, ກຸ່ມ 20 ປະເທດໄດ້ເປັນເອກະສັນກັນສະໜັບສະໜູນການຄ້າເສລີ, ແຕ່ບໍ່ເອກະສັນກັນກ່ຽວກັບ ສັນຍາປາຣີຫຼັງອາເມລິກາຖອນໂຕ.
ທ່ານນາງເມີເຄວກ່າວວ່າ, ເຖິງວ່າ, ການຫາລືກ່ຽວກັບການຄ້າເສລີປະສົບຄວາມຫຍັງຍາກ, ແຕ່ກໍບັນລຸຜົນທີ່ໜ້າເພິ່ງພໍໃຈ, ໂດຍຜູ້ນຳກຸ່ມ G20 ເປັນເອກະສັນກັນສະໜັບສະໜູນໂລກາພິວັດ, ໃຫ້ຄຳໝັ້ນສັນຍາວ່າຈະເປີດຕະຫຼາດ, ຄັດຄ້ານລັດທິປົກປ້ອງການຄ້າ, ຕັດສິນໃຈສ້າງລະບົບການຄ້າສາກົນທີ່ໝັ້ນທ່ຽງແລະຊຸກຍູ້ການລົງທຶນຂ້າມຊາດ.
ທ່ານນາງເມີເຄວກ່າວຕື່ມວ່າ, ສຳລັບຫົວຂໍ້ຫາລືບັນຫາການປ່ຽນແປງຂອງດິນຟ້າອາກາດນັ້ນ, ເປັນທີ່ໜ້າເສຍດາຍ, ກຸ່ມ G20 ບໍ່ເອກະສັນກັນກ່ຽວກັບສັນຍາປາຣີເນື່ອງຈາກອາເມລິກາຖອນໂຕ, ແຕ່ສິ່ງທີ່ໜ້າດີໃຈກໍຄື 19 ປະເທດສະມາຊິກໄດ້ຕົກລົງກັນວ່າ, ສັນຍາປາຣີບໍ່ສາມາດຕ່າວປີ້ນໄດ້. ແລະທັງ 19 ປະເທດສະມາຊິກກໍຕົກລົງພ້ອມເອົາ ແຜນດຳເນີນງານດ້ານດິນຟ້າອາກາດແລະພະລັງງານແຮມເບີກກຸ່ມ G20 ເປັນເອກະສານຕິດຄັດຂອງຜົນສຳເລັດໃນກອງປະຊຸມສຸດຍອດເທື່ອນີ້.