ການພົບປະຫາລືໂຄງການກໍ່ສ້າງຊີຣີຄືນໃໝ່ຄັ້ງທຳອິດ ທີ່ສະມາຄົມແລກປ່ຽນອາຣັບຈີນເປັນເຈົ້າພາບ ໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນໃນວັນທີ 9 ກໍລະກົດນີ້ ໂດຍທ່ານອີມັດ ມຸສຕາຟາ ເອກອັກຄະລັດຖະທູດຊີຣີປະຈຳຈີນ ແລະ ທ່ານສິນຢົງ ເລຂາທິການສະມາຄົມແລກປ່ຽນອາຣັບຈີນເຂົ້າຮ່ວມ.
ທ່ານມຸສຕາຟາ ກ່າວວ່າ: ປັດຈຸບັນໄດ້ເລີ່ມຕົ້ນຂະບວນການສ້າງສາປະເທດຕົນຄືນໃໝ່ເປັນກ້າວໆແລ້ວ ໂດຍເລັ່ງໃສ່ຂົງເຂດສຳຄັນຕ່າງໆ ເປັນຕົ້ນ ພະລັງງານ, ການສະໜອງນ້ຳປະປາ ແລະ ອຸດສາຫະກຳການຜະລິດ. ຂະນະທີ່ມາດຕະການຕ່າງໆທີ່ຈີນປະຕິບັດໃນປັດຈຸບັນ ເຊັ່ນ ການປະຕິຮູບໂຄງປະກອບການສະໜອງ ແລະ ການຫຼຸດຄວາມສາມາດການຜະລິດທີ່ເກີນຄວາມຈຳເປັນນັ້ນ ສາມາດເຊື່ອມຕໍ່ກັບຂະບວນການສ້າງສາຊີຣີຄືນໃໝ່. ພ້ອມກັນນັ້ນ, ການສ້າງ "ໜຶ່ງແລວທາງໜຶ່ງເສັ້ນທາງ" ກໍແມ່ນໂອກາດດີສຳລັບຈີນແລະຊີຣີໃນການຮ່ວມມືໃນຂົງເຂດຕ່າງໆ.
ຜູ້ແທນຮ້ອຍກວ່າທ່ານຈາກວິສາຫະກິດ, ວັດທະນະທຳ ແລະ ສື່ມວນຊົນຈີນແລະຊີຣີ ໄດ້ເຂົ້າຮ່ວມການພົບປະຫາລືດັ່ງກ່າວ.