ກອງປະຊຸມເວທີປຶກສາຫາລືອາຊີໂປອາວຈະຈັດຂຶ້ນໃນວັນທີ 11 ກໍລະກົດນີ້ຢູ່ບາງກອກປະເທດໄທ, ໂດຍເນັ້ນ "ການຮ່ວມມືຂອງພາກພື້ນອາຊີ: ການທ້າທາຍໃໝ່ແລະແນວຄິດໃໝ່", ເຊິ່ງຕົ້ນຕໍຈະຄົ້ນຄວ້າປຶກສາຫາລືການຮ່ວມມືຂອງພາກພື້ນອາຊີ, ໃນອະນາຄົດແລະເປີດກວ້າງຄວາມຄິດໃຫ້ແກ່ການການຮ່ວມມືຂອງອາຊີໃຫ້ດີກວ່າເກົ່າ.
ເຈົ້າພາບກ່າວວ່າ, ປີ 2017 ແມ່ນປີທີ່ເຕັມໄປດ້ວຍການທ້າທາຍສຳລັບປະເທດຕ່າງໆໃນອາຊີ, ເຊິ່ງນອກຈາກຈະຜະເຊີນກັບລັດທິປົກປ້ອງການຄ້າແລະຄວາມສ່ຽງດ້ານການເງິນຈາກພາຍນອກແລ້ວ, ຍັງຕ້ອງແກ້ໄຂບັນຫາການປະຕິຮູບ, ການຍົກລະດັບຊີວິດການເປັນຢູ່ຂອງປະຊາຊົນ, ການຍົກລະດັບຂະແໜງການແລະບັນຫາອື່ນໆທີ່ຫຍຸ້ງຍາກ. ຈາກສະຖານະການ "ໄປຕາມທາງຝ່າຝືນໂລກາພິວັດ", ເຮັດໃຫ້ການຮ່ວມມືໃນພາກພື້ນອາຊີຍິ່ງສຳຄັນກວ່າເກົ່າ.
ຂ່າວແຈ້ງວ່າ, ກອງປະຊຸມເທື່ອນີ້ຈະມີຜູ້ຕາງໜ້າປະມານ 300 ຄົນເຂົ້າຮ່ວມ, ແລະຈະມີ 3 ເວທີປຶກສາຫາລືຍ່ອຍໂດຍເນັ້ນ "ອະນາຄົດແຫ່ງການຮ່ວມມືຂອງພາກພື້ນອາຊີ" "ການຮ່ວມມືດ້ານການກໍ່ສ້າງພື້ນຖານໂຄງລ່າງແລະຄວາມສາມາດການຜະລິດ"ແລະ "ການຮ່ວມມືດ້ານການຄ້າ, ການລົງທຶນແລະການເງິນຂອງອາຊຽນກັບຈີນ". ໃນໄລຍະກອງປະຊຸມ, ເຈົ້າໜ້າທີ່ຈາກວົງການຕ່າງໆຈະປຶກສາຫາລືຈຸດສຸມການແລກປ່ຽນແລະຮ່ວມມືໃນຂົງເຂດຕ່າງໆ.