ເຈົ້າໜ້າທີ່ພະແນກທາງລົດໄຟຄຸນມິງແຂວງຢຸນນານ ສປ ຈີນແຈ້ງໃຫ້ຮູ້ໃນວັນທີ 10 ກໍລະກົດນີ້ວ່າ: 6 ເດືອນຕົ້ນປີນີ້, ການຂົນສົ່ງຮ່ວມສາກົນທາງລົດໄຟຈີນ-ຫວຽດນາມຂອງພະແນກຕົນສາມາດຂົນສົ່ງສິນຄ້າໄດ້ 3 ແສນ 5 ໝື່ນ 300 ໂຕນ ເພີ່ມຂຶ້ນເຖິງ 71,6% ເມື່ອທຽບໃສ່ໄລຍະດຽວກັນຂອງປີຜ່ານມາ ແລະກໍຖືວ່າເປັນເທື່ອທຳອິດທີ່ການນຳເຂົ້າຫຼາຍກວ່າການສົ່ງອອກ.
ທ່ານຫວງໂກຢຸງ ຫົວໜ້າຄະນະຮ່ວມມືຕ່າງປະເທດຂອງພະແນກທາງລົດໄຟຄຸນມິງໃຫ້ຮູ້ວ່າ: ຊຸມປີມໍ່ໆມານີ້, ພະແນກຕົນໄດ້ເພີ່ມທະວີການຮ່ວມມືກັບຂະແໜງການທາງລົດໄຟຫວຽດນາມໂດຍນຳໃຊ້ທາງລົດໄຟຄຸນຢູເຫີ(ລົດໄຟລາງມາດຕະຖານສາກົນ) ແລະທາງລົດໄຟຄຸນເຫີຂະໜາດລາງຫ່າງກັນ1ແມັດເຊິ່ງເປັນທາງລົດໄຟສາກົນຈີນ-ຫວຽດນາມທີ່ເປີດໃໝ່ນັ້ນໄດ້ຢ່າງເຕັມທີ່ແລະໃຊ້ວິທີການຂົນສົ່ງຮ່ວມຫຼາຍປະເພດ. ຈາກນີ້ຈິ່ງເຮັດໃຫ້ການຂົນສົ່ງຮ່ວມສາກົນຈີນ-ຫວຽດນາມຄຶກຄັກຫຼາຍຂຶ້ນ.
ປີ 2016 ຜ່ານມາ, ການຂົນສົ່ງຮ່ວມສາກົນຈີນ-ຫວຽດນາມຂອງພະແນກທາງລົດໄຟຄຸນມິງຂົນສົ່ງສິນຄ້າໄດ້ເຖິງ 3 ແສນ 8 ໝື່ນ 6000 ໂຕນທຽບໃສ່ ປີ 2012 ທີ່ຂົນສົ່ງໄດ້ພຽງ 4906 ໂຕນນັ້ນ ຖືວ່າເພີ່ມຂຶ້ນເຖິງ 78 ເທົ່າ.