ກອງປະຊຸມເວທີປຶກສາຫາລືອາຊີໂປອາວໃນບັນຫາສະເພາະໄດ້ໄຂຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 11 ກໍລະກົດນີ້ໂດຍມີຜູ້ແທນຈາກ 13 ປະເທດແລະເຂດແຄວ້ນເຊັ່ນຈີນ, ໄທ,ສິງກະໂປ,ມາເລເຊຍ,ອິນໂດເນເຊຍ,ກຳປູເຈຍ,ມຽນມາແລະອື່ນໆ 400 ກວ່າທ່ານເຂົ້າຮ່ວມ.
ກອງປະຊຸມເຫັນວ່າ: ຜົນຂອງການພັດທະນາເສດຖະກິດໃນອາຊີມີທັງທາງບວກແລະທາງລົບຈາກໂລກາພິວັດ. ຂະນະທີ່ເສດຖະກິດໂລກປາກົດມີສັນຍານຟື້ນຕົວຂຶ້ນນັ້ນ, ມາດຕະການແບບຝືນໂລກາພິວັດແລະຄັດຄ້ານການຄ້າເສລີນັ້ນກໍໄດ້ສ້າງຄວາມບໍ່ແນ່ນອນໃຫ້ແກ່ເສດຖະກິດໂລກເຊິ່ງອາຊີເປັນເຂດທີ່ໄດ້ຮັບຜົນກະທົບກ່ອນໝູ່. ຈາກນີ້, ອາຊີຈິ່ງສຸມຄວາມຮັບຜິດຊອບຊອກທາງອອກໃໝ່ເພື່ອການພັດທະນາຂອງໂລກາພິວັດ ບົນພື້ນຖານຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ເສດຖະກິດໂລກໃຫ້ບັນລຸການພັດທະນາທີ່ກວມລວມ,ທ່ຽງທຳ,ສົມດຸນ,ສີຂຽວແລະຍືນຍົງກວ່າເກົ່າ. ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ໄດ້ຮຽກຮ້ອງໃຫ້ເປີດກວ້າງການຮ່ວມມືໃນຫຼາຍຂົງເຂດຂອງພາກພື້ນນີ້ແລະລະຫວ່າງພາກພື້ນຕື່ມອີກເພື່ອສະເໜີຫຼັກການໃໝ່ ຊີ້ນຳການພັດທະນາຂອງໂລກາພິວັດ.
 |
