ໜັງສືພິມໂລກການຄ້າຂອງຟີລິບປິນລາຍງານວ່າ: ກ່ອນໜ້ານີ້ບໍ່ດົນ, ທ່ານ ມານນີ ປີໂນນ ລັດຖະມົນຕີກະຊວງກະສິກຳຟີລິບປິນກ່າວວ່າ: ກະຊວງຕົນພວມຮ່າງແຜນແມ່ບົດເພື່ອສ້າງແຂວງລານາວໃຕ້ຄືນໃໝ່ລວມທັງມາລາວີອີກດ້ວຍ.
ທ່ານ ມານນີ ປີໂນນກ່າວວ່າ: ແຜນແມ່ບົດດັ່ງກ່າວປະກອບດ້ວຍການສະໜອງແນວພັນພືດ,ອຸປະກອນການຜະລິດກະສິກຳ,ລູກປາແລະເຮືອປະມົງເປັນຕົ້ນ ລວມທັງການຍົກລະດັບການເພີ່ມມູນຄ່າອຸດສາຫະກຳແລະການສະໜັບສະໜູນຄ່າຄອງຊີບໃຫ້ແກ່ແມ່ຍິງ ແຕ່ແຜນດັ່ງກ່າວຈະໄດ້ຮັບການພິຈາລະນາຈາກທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນກ່ອນ. ທ່ານກ່າວຕື່ມວ່າ:ອົງການອາຫານແລະການກະເສດຂອງສະຫະປະຊາຊາ(ຟາວ)ຈະເຂົ້າຮ່ວມການສ້າງສາເຂດປະທະກັນຢູ່ຟີລິບປິນຄືນໃໝ່ຕື່ມອີກ.
ມາຮອດປັດຈຸບັນ,ອົງການອາຫານແຫ່ງຊາດຟີລິບປິນໄດ້ສະໜອງອາຫານເກືອບ 5 ແສນໂຕນໃຫ້ແກ່ປະຊາຊົນຢູ່ເຂດປະທະກັນໃນເມືອງມາລາວີແລ້ວ.
 |
