ເມື່ອບໍ່ດົນນີ້, ໜ່ວຍງານຂອງສາສະດາຈານ ປາເວວ ນິວຊິນ ມະຫາວິທະຍາໄລຕາເວັນຕົກສຽງເໜືອຈີນ ປະສົບຜົນສຳເລັດໃນການຄົ້ນຄວ້າຜະລິດເຄື່ອງກວດ PCR ໂດຍເຄື່ອງດັ່ງກ່າວສາມາດກວດເຊື້ອໄວຣັດໄຂ້ຫວັດສັດປີກສາຍພັນຕ່າງໆ ເຊັ່ນ H7N9 ແລະ H5N1, ໄຂ້ຫວັດໃຫຍ່, ພະຍາດຊາສ, ພະຍາດມາເລເຣຍ ແລະ ພະຍາດອີໂບລາ ໄດ້ຢ່າງແນ່ນອນ ແລະ ວ່ອງໄວ ເຊິ່ງໃນຕໍ່ໜ້າຈະມີຕະຫຼາດຮັບຮອງຢ່າງກວ້າງຂວາງ ແລະ ການນຳໃຊ້ງານຢ່າງມະຫາສານ. ຂະນະທີ່ເວັບໄຊວິຊາສະເພາະໝວດແຊນທີ່ມີຊື່ສຽງໃນສາກົນ Genomeweb ຢືນຢັນວ່າເປັນເຄື່ອງກວດ PCR ທີ່ນ້ອຍທີ່ສຸດໃນໂລກ.
ຂ່າວລາຍງານຕື່ມວ່າ: ເຄື່ອງກວດດັ່ງກ່າວໃຫຍ່ຊ່ຳມືຖືເທົ່ານັ້ນ ແລະ ມີນ້ຳໜັກເທົ່າໄຂ່ໄກ່ປະມານ 3 ໜ່ວຍ, ໃຊ້ກຳລັງໄຟຟ້າ 12 ໂວນ. ຂະນະທີ່ພະນັກງານແພດທົ່ວໄປບໍ່ຈຳເປັນຕ້ອງອົບຮົມສະເພາະກໍສາມາດນຳໃຊ້ໄດ້.