ຕາມຂ່າວCRI: ຄ້ອງບ້າງແມ່ນເຄື່ອງດົນຕີຊະນິດໜຶ່ງທີ່ຫຼໍ່ດ້ວຍທອງສຳລິດແລະນິຍົມໃຊ້ຢູ່ພາກໃຕ້ຈີນກໍຄືເຂດອາຊີຕາເວັນອອກສຽງໃຕ້ມາເປັນເວລາ 2 ພັນກວ່າປີ. ໃນປະຫວັດສາດທີ່ຍາວນານ, ຄ້ອງບ້າງໄດ້ມີສ່ວນພົວພັນຢ່າງໃກ້ຊິດກັບສັງຄົມ,ເສດຖະກິດ,ວັດທະນະທຳແລະຊີວິດການເປັນຢູ່ຂອງປະຊາຊົນເຂດດັ່ງກ່າວ,ກາຍເປັນວັດທະນະທຳທີ່ມີເອກະລັກພິເສດຂອງຕົນ.
ໃນສະໄໝບູຮານ ຄ້ອງບ້າງໄດ້ເປັນຂອງເຄື່ອງດົນຕີ,ທີ່ນຳເປັນສິ່ງໃຊ້ໃນພິທີກາບໄຫວ້ບູຊາແລະເປັນສັນຍາລັກໜຶ່ງຂອງຜູ້ມີອຳນາດ. ມາຮອດປັດຈຸບັນ,ຢູ່ເຂດປົກຄອງຕົນເອງເຜົ່າຈວ້າງກວາງຊີຈີນໄດ້ຄົ້ນພົບຄ້ອງບ້າງແຕ່ລະສະໄໝຄືຈາກທ້າຍໄລຍະຊຸ່ນຊີ່ວເຖິງທ້າຍໄລຍະລາຊະວົງຊີ່ງເຖິງ 2 ພັນໜ່ວຍ ເຊິ່ງປະລິມານຄ້ອງບ້າງມີຫຼາຍທີ່ສຸດໃນໂລກ. ມາຮອດສູ່ມື້ນີ້, ປະເພນີການຕີຄ້ອງບ້າງຍັງໄດ້ຮັບຄວາມນິຍົມຢູ່ເຂດຊົນເຜົ່າສ່ວນໜ້ອຍກວາງຊີຂອງຈີນ.
