ກະຊວງການຕ່າງປະເທດຟິລິບປິນໄດ້ອອກຖະແຫຼງການກ່ຽວກັບການເປີດເຜີຍຜົນການຕັດສິນຄະດີທະເລຈີນໃຕ້ຂອງສານອະນຸຍາໂຕຕະລາການຄົບຮອບ 1 ປີໃນວັນທີ 12 ກໍລະກົດນີ້ວ່າ, ລັດຖະບານພາຍໃຕ້ການນຳຂອງທ່ານ ດູເຕີເຕເຫັນວ່າ ການແກ້ໄຂຄວາມຂັດແຍ້ງບັນຫາທະເລຈີນໃຕ້ຕ້ອງຢູ່ບົນນ້ຳໃຈເປັນບ້ານໃກ້ເຮືອນຄຽງທີ່ມີໄມຕີຈິດມິດຕະພາບຕໍ່ກັນ.
ຖະແຫຼງການລະບຸວ່າ, ທ່ານປະທານາທິບໍດີດູເຕີເຕຖືເອົາການປົກປັກຮັກສາສັນຕິພາບແລະສະຖຽນລະພາບຂອງພາກພື້ນເປັນໜ້າທີ່ສຳຄັນອັນດັບໜຶ່ງ, ການທີ່ສຳເລັດຂອບ "ກົດແຫ່ງການປະພຶດໃນທະເລຈີນໃຕ້" ນັ້ນໄດ້ເຮັດໃຫ້ຟິລິບປິນມີກຳລັງໃຈຫຼາຍຂຶ້ນ ເຊິ່ງຈະສົ່ງຜົນດີຕໍ່ບັນດາຝ່າຍກ້າວໄປສູ່ການເຮັດໃຫ້ຂໍ້ຕົກລົງກົດແຫ່ງການປະພຶດເປັນຈິງ
ທ່ານ ອາລານ ປີເຕີ ຄາເຢທາໂນ ລັດຖະມົນຕີກະຊວງການຕ່າງປະເທດຟິລິບປິນກ່າວຢ້ຳໃນຖະແຫຼງການວ່າ, ໃນຂະນະທີ່ສະແຫວງຫາຜົນປະໂຫຍດທາງເສດຖະກິດແລະການເມືອງຂອງປະເທດຕົນ ແລະປົກປັກຮັກສາຄວາມໝັ້ນຄົງແລະຄວາມສະຫງົບຖາວອນຂອງພາກພື້ນນັ້ນ, ປະເທດຕົນຈະບໍ່ເປັນປໍລະປັກກັບບຸກຄົນໃດໆ ແຕ່ຈະເປັນມິດກັບຝ່າຍຕ່າງໆຕ່າງຫາກ.
 |
