ເຈົ້າໜ້າທີ່ບໍລິສັດໃຫຍ່ທາງລົດໄຟຈີນໃຫ້ຮູ້ວ່າ, ນັບແຕ່ວັນທີ 17 ກໍລະກົດນີ້ເປັນຕົ້ນໄປ, ຜູ້ໂດຍສານທີ່ຂີ່ລົດໄຟຄວາມໄວສູງທີ່ມີລະຫັດໂຕ G ແລະ D ນັ້ນ ກໍສາມາດຈອງອາຫານດ້ວຍການບໍລິການຈາກລົດໄຟທີ່ຕົນຂີ່ ຫຼື ສະຖານີບໍລິການອາຫານແຄມທາງລົດໄຟໄດ້ຢ່າງສະບາຍ ທາງເວັບໄຊ 12306, APP ໃນໂທລະສັບມືຖື ແລະຮູບການອື່ນໆ.
ສະຖານີບໍລິການອາຫານແຄມທາງລົດໄຟທີ່ທົດລອງເທື່ອນີ້ ມີ 27 ແຫ່ງ, ເຊິ່ງຕົ້ນຕໍຕັ້ງຢູ່ສະຖານີລົດໄຟຄວາມໄວສູງໃນນະຄອນຊຽງໄຮ, ທຽນສິນ, ເມືອງກວາງໂຈ່ວ, ນານກິ່ງ, ຮາງໂຈ່ວ, ຊີ່ອ່ານ ແລະອື່ນໆ. ຫຼັງຜູ້ໂດຍສານຈອງອາຫານແລ້ວ, ເຈົ້າໜ້າທີ່ສະຖານີລົດໄຟຈະສົ່ງອາຫານເຖິງມືຜູ້ໂດຍສານທັນທີ.