ຕາມຂ່າວCRI: ວັນທີ 13 ກໍລະກົດນີ້, ງານວາງສະແດງເຕັກໂນໂລຊີເສດຖະກິດແຫ່ງຊາດແມ່ນ້ຳລ້ານຊ້າງ-ແມ່ນ້ຳຂອງ 2017 ໄດ້ຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍທີ່ເປັນປະເທດປະທານໝູນວຽນຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.
ທ່ານ ທານສີງເຊີ່ງ ອຸປະທູດຊົ່ວຄາວຂອງຈີນປະຈຳກຳປູເຈຍກ່າວໃນພິທີວ່າ: ການຈັດງານວາງສະແດງການຮ່ວມມືເຕັກໂນໂລຊີເສດຖະກິດແຫ່ງຊາດແມ່ນ້ຳລ້ານຊ້າງ-ແມ່ນ້ຳຂອງຢູ່ກຳປູເຈຍຄັ້ງນີ້ແມ່ນເພື່ອຈັດຕັ້ງປະຕິບັດຄວາມຮັບຮູ້ຮ່ວມກັນທີ່ສຳຄັນຂອງກອງປະຊຸມລັດຖະມົນຕີການຕ່າງປະເທດການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີ 2, ກໍເພື່ອກະກຽມໃຫ້ແກ່ກອງປະຊຸມສຸດຍອດຜູ້ນຳແມ່ນ້ຳລ້ານຊ້າງ-ແມ່ນ້ຳຂອງທີ່ຈະຈັດຂຶ້ນຢູ່ກຳປູເຈຍໃນປີ 2018 ເຊິ່ງມີຄວາມໝາຍສຳຄັນຕໍ່ການລົງເລິກການແລກປ່ຽນດ້ານເສດຖະກິດການຄ້າລະຫວ່າງປະເທດແມ່ນ້ຳລ້ານຊ້າງ-ແມ່ນ້ຳຂອງແລະຊຸກຍູ້ການຮ່ວມມືທີ່ແທ້ຈິງລະຫວ່າງບັນດາປະເທດ.
ບັນດາປະເທດແມ່ນ້ຳລ້ານຊ້າງ-ແມ່ນ້ຳຂອງມີ 6 ປະເທດຄື: ຈີນ,ກຳປູເຈຍ,ລາວ,ມຽນມາ,ໄທແລະຫວຽດນາມ. ງານວາງສະແດງຄັ້ງນີ້ແມ່ນໂຄງການທີ່ຈີນລິເລີ່ມຂຶ້ນໃນກອງປະຊຸມລັດຖະມົນຕີການຕ່າງປະເທດຄັ້ງທີ 2 ຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງໃນເດືອນທັນວາປີ 2016 ຜ່ານມາໂດຍມີຈຸດປະສົງເພື່ອເພີ່ມທະວີມິດຕະພາບລະຫວ່າງປະຊາຊົນຈີນແລະ 5 ປະເທດລຸ່ມແມ່ນ້ຳຂອງ,ລົງເລິກການຮ່ວມມືດ້ານຄວາມສາມາດການຜະລິດລະຫວ່າງບັນດາປະເທດ,ຊຸກຍູ້ການຮ່ວມມືໃນຂົງເຂດຕ່າງໆເຊັ່ນ: ຊົນລະປະທານກະສິກຳ,ພື້ນຖານໂຄງລ່າງ,ໂທລະຄົມຂໍ້ມູນຂ່າວສານແລະອື່ນໆເພື່ອໃຫ້ໄດ້ຮັບໝາກຜົນທີ່ແທ້ຈິງ.
