ຫວ່າງມໍ່ໆມານີ້, ທະນາຄານໂລກເປີດເຜີຍບົດລາຍງານສະພາບການພັດທະນາເສດຖະກິດຂອງຫວຽດນາມສະບັບຫຼ້າສຸດ, ໂດຍຄາດຄະເນວ່າປີ 2017 ຍອດມູນຄ່າຜະລິດຕະພັນພາຍໃນຫຼື GDP ຂອງຫວຽດນາມຈະເຕີບໂຕ 6,3%.
ບົດລາຍງານລະບຸວ່າ, ໃນ 6 ເດືອນຕົ້ນປີນີ້ເສດຖະກິດຫວຽດນາມໄດ້ເຕີບໂຕ 5,7%, ອັດຕາເງິນເຟີ້ຕ່ຳກວ່າ 2%. ບົດລາຍງານເຫັນວ່າ, ເນື່ອງຈາກຄວາມຕ້ອງການພາຍໃນເພີ່ມຂຶ້ນແລະການຄ້ຳຊູຈາກຂະແໜງການປຸງແຕ່ງ, ເສດຖະກິດຫວຽດນາມໄດ້ຮັກສາຄວາມໄຫວພິດດີສົມຄວນ, ການເຕີບໂຕໃນສອງຂົງເຂດດັ່ງກ່າວຈະຊ່ວຍໃຫ້ເສດຖະກິດຫວຽດນາມລົບລ້າງອຸປະສັກລັກສະນະໂຄງປະກອບໃນການເຕີບໂຕໄລຍະກາງ, ຮັກສາຄວາມໝັ້ນທ່ຽງຂອງເສດຖະກິດມະຫາພາກຂອງຫວຽດນາມ. ທະນາຄານໂລກຄາດຄະເນວ່າ, ອັດຕາເຕີບໂຕຂອງເສດຖະກິດຫວຽດນາມໃນປີ 2018-2019 ອາດຈະບັນລຸເຖິງ 6,4%.
ໃນທ້າຍປີຜ່ານມາ, ລັດຖະບານຫວຽດນາມໄດ້ຕັ້ງເປົ້າໝາຍການເຕີບໂຕ GDP ໃນປີ 2017 ຂອງຕົນເປັນ 6,7%.