ໃນການປະມູນຂາຍລະດູໃບໄມ້ປົ່ງຂອງບໍລິສັດປະມູນຂາຍສີ່ລິງຢິ້ນເຊີ້ທີ່ຈັດຂຶ້ນຢູ່ເມືອງຫັງໂຈ່ວ ແຂວງເຈີ້ຈ່ຽງ ສປ ຈີນໃນວັນທີ 15 ກໍລະກົດນີ້, ເຄື່ອງທອງສຳລິດ "ສີ່ເຈ່ຍຜານ" ສາມາດປະມູນຂາຍໄດ້ໃນລາຄາ 212 ລ້ານ 7 ແສນ 5 ໝື່ນຢວນຫຼືປະມານ 31 ລ້ານໂດລາສະຫະລັດ ເຊິ່ງເປັນສະຖິຕິສູງສຸດໃນປະຫວັດການປະມູນຂາຍເຄື່ອງວິຈິດຕະກຳບູຮານຈີນ. ສີ່ເຈຍຜານເປັນເຄື່ອງທອງສຳລິດສະໄໝລາຊະວົງໂຈ່ວຕາເວັນຕົກ(ປີ1046ກ່ອນຄສ―ປີ771ກ່ອນຄສ)ທີ່ຖືກຄົ້ນພົບໃນໄລຍະແຕ່ລາຊະວົງຮັ້ນຫາລາຊະວົງຊົ້ງ(ປີ 206ກ່ອນຄສ-ປີຄສ 1279)ພຽງເຄື່ອງດຽວທີ່ໄດ້ຮັກສາໄວ້ຈົນເຖິງປັດຈຸບັນ ແລະເປັນຊັບສົມບັດຂອງຊາດ. ຢູ່ສີ່ເຈຍຜານໄດ້ສະຫຼັກຕົວໜັງສືທັງໝົດ 133 ໂຕໂດຍການບັນທຶກປະຫວັດສາດຂອງເຈົ້າຊີວິດ ຊ່ວນວາງ ລາຊະວົງໂຈ່ວຕາເວັນຕົກ ທີ່ເປັນສູນລວມອຳນາດສັກດິນາແລະເປັນເຄື່ອງທອງສຳລິດທີ່ສະຫຼັກ ຕົວໜັງສືຫຼາຍທີ່ສຸດ, ມີຄຸນຄ່າສູງສຸດ ໃນຕະຫຼາດປະມູນຂອງຈີນ.