ຕອນບ່າຍວັນທີ 16 ກໍລະກົດນີ້, ສຳນັກຂ່າວສານກຽວໂຕປະເທດຍີ່ປຸ່ນໄດ້ປະກາດຜົນການລົງປະຊາມະຕິໃນຂອບເຂດທົ່ວປະເທດໃນວັນທີ 15 ແລະວັນທີ 16 ກໍລະກົດນີ້ ໂດຍສະແດງໃຫ້ເຫັນວ່າປະຊາຊົນ 54,8% ໄດ້ຄັດຄ້ານການດັດແກ້ລັດຖະທຳມະນູນທີ່ສະເໜີໂດຍທ່ານ ຊິນໂຈ ອາເບະ ນາຍົກລັດຖະມົນຕີຍີ່ປຸ່ນ.
ຜົນການລົງປະຊາມະຕິຂອງສຳນັກຂ່າວສານກຽວໂຕປະເທດຍີ່ປຸ່ນສອດຄ່ອງກັບຫຼາຍສຳນັກສື່ມວນຊົນສຳຄັນທີ່ຈັດຂຶ້ນຫວ່າງມໍ່ໆນີ້ ເຊິ່ງໂດຍລວມແລ້ວ, ອັດຕາການສະໜັບສະໜູນລັດຖະບານຊິນໂຈ ອາເບະຕ່ຳລົງຢ່າງຕໍ່ເນື່ອງຄືຫຼຸດລົງ 9,1% ເມື່ອທຽບໃສ່ເດືອນມິຖຸນາຜ່ານມາ, ເຫຼືອພຽງແຕ່ 35,8%. ຂະນະທີ່ອັດຕາບໍ່ສະໜັບສະໜູນສູງຂຶ້ນເປັນ 53,1% ຄືເພີ່ມຂຶ້ນ 10%.
ສຳລັບກໍລະນີທີ່ທ່ານ ຊິນໂຈ ອາເບະອະນຸຍາດໃຫ້ໝູ່ຂອງຕົນເປີດໂຮງຮຽນຢ່າງລັບໆຂຶ້ນນັ້ນ, ຜູ້ທີ່ຮັບໄດ້ມີພຽງແຕ່ 15,4%, ຂະນະທີ່ຜູ້ຮັບບໍ່ໄດ້ມີເຖິງ 77,8%.
 |
