ງານວາງສະແດງຜົນງານ "ຮົງກົງກັບຄືນປະເທດຊາດຄົບຮອບ 20 ປີ--ຮ່ວມກັນສ້າງອະນາຄົດແລະກຳໂອກາດໃໝ່" ທີ່ອຳນາດການປົກຄອງເຂດບໍລິຫານພິເສດຮົງກົງຈັດຂຶ້ນຢູ່ຫໍພິພິທະພັນແຫ່ງຊາດຈີນໃນນະຄອນຫຼວງປັກກິ່ງ ໄດ້ປິດລົງໃນວັນທີ 16 ກໍລະກົດນີ້ ຫຼັງດຳເນີນມາແຕ່ວັນທີ 27 ມິຖຸນາ ໂດຍສາມາດດຶງດູດຜູ້ເຂົ້າຊົມໄດ້ຫຼາຍກວ່າ 1 ແສນ 2 ໝື່ນເທື່ອຄົນ.
ຕະຫຼອດໄລຍະ 3 ອາທິດໄດ້ຮັບຄວາມສົນໃຈຂອງບຸກຄົນໃນວົງການຕ່າງໆຢ່າງກວ້າງຂວາງ ໂດຍມີຫຼາຍອົງການຈັດຕັ້ງໄດ້ສົ່ງຄະນະເຂົ້າຊົມ, ຟັງການບັນຍາຍຂອງຝ່າຍຈັດງານ ແລະອວຍພອນອັນປະເສີດຕໍ່ຮົງກົງ.
ຂ່າວແຈ້ງຕື່ມວ່າ, ໃນມື້ປິດງານ, ສຳນັກງານເຂດບໍລິຫານພິເສດຮົງກົງປະຈຳປັກກິ່ງຍັງໄດ້ຈັດງານວາງສະແດງທາງອິນເຕີເນັດ "ຜົນງານຮົງກົງກັບຄືນປະເທດຊາດຄົບຮອບ 20 ປີ" ໂດຍໄດ້ໃຊ້ເຕັກນິກ VR ເພື່ອສະເໜີຜົນງານທາງອິນເຕີເນັດ.