ວັນທີ 14 ກໍລະກົດນີ້, ທ່ານຣູດີອັນຕາຣາ ລັດຖະມົນຕີກະຊວງໂທລະຄົມແລະຂໍ້ມູນຂ່າວສານອິນໂດເນເຊຍໄດ້ອອກມາກ່າວເຕືອນສື່ສັງຄົມອອນໄລຕ່າງໆ ເຊັ່ນ: Facebook、Twitter、Instagram ແລະYouTube ວ່າ, ຖ້າຍັງຟື້ນໂຄສະນາເນື້ອໃນຫົວຮຸນແຮງ, ຈະຖືກຫ້າມບໍ່ໃຫ້ແບ່ງປັນຂໍ້ມູນ.
ຕາມການລາຍງານຂ່າວ, ກະຊວງດັ່ງກ່າວໄດ້ພະຍາຍາມສຸດຂີດເພື່ອສະກັດກັ້ນການເຜີຍແຜ່ຂອງເນື້ອໃນຫົວຮຸນແຮງຢ່າງສຸດຂີດໃນສື່ສັງຄົມອອນໄລ ໂດຍໄດ້ປິດເວັບໄຊແລະອິນເຕີເນັດ. ມື້ດຽວກັນ, ທ່ານມູຮຳເມັດ ນາເຊຍ ລັດຖະມົນຕີກະຊວງສຶກສາທິການອິນໂດເນເຊຍກໍຮຽກຮ້ອງໃຫ້ເຈົ້າໜ້າທີ່ບໍລິຫານມະຫາວິທະຍາໄລຕ່າງໆຕິດຕາມການເຄື່ອນໄຫວຂອງກຸ່ມຫົວຮຸນແຮງຢ່າງໃກ້ຊິດ ໂດຍກ່າວວ່າ, ເຖິງວ່າລັດທິຫົວຮຸນແຮງໃນມະຫາວິທະຍາໄລຍັງບໍ່ທັນພົ້ນເດັ່ນປານໃດ, ແຕ່ກໍມີຄວາມສ່ຽງສູງຫຼາຍ. ຈາກນີ້, ອະທິການບໍດີມະຫາວິທະຍາໄລຈຳເປັນຕ້ອງຮັບຜິດຊອບຕໍ່ກິດຈະກຳຕ່າງໆໃນມະຫາວິທະຍາໄລຕົນ.