ການເຈລະຈາຮອບທີ 2 ລະຫວ່າງອັງກິດແລະອີຢູກ່ຽວກັບການຖອນອອກຈາກອີຢູຂອງອັງກິດ ໄດ້ຈັດຂຶ້ນຢູ່ສຳນັກງານໃຫຍ່ຄະນະກຳມາທິການອີຢູ ຢູ່ນະຄອນຫຼວງບຣຸກແຊນ ປະເທດແບນຊິກ ໃນຕອນເຊົ້າວັນທີ 17 ກໍລະກົດນີ້ ໂດຍສອງຝ່າຍໄດ້ປຶກສາຫາລືໃນຫົວຂໍ້ໃຈກາງ ເປັນຕົ້ນ ຄ່າທຳນຽມຖອນຕົວ, ສິດຂອງພົນລະເມືອງ ແລະ ບັນຫາຊາຍແດນອຽກລັງເໜືອ ໃນ 4 ມື້ຕໍ່ໜ້ານີ້.
ການເຈລະຈາຮອບນີ້ຖືວ່າເປັນການເຈລະຈາທາດແທ້ທີ່ສຳຄັນ ລະຫວ່າງສອງຝ່າຍ ແລະໄດ້ຮັບຄວາມສົນໃຈສູງຈາກພາຍນອກ, ໃນນີ້, ຈຸດທີ່ໜ້າສົນໃຈທີ່ສຸດກໍຄື ສອງຝ່າຍຈະສາມາດລົບລ້າງຄວາມຂັດແຍ້ງກັນ ແລະ ຜ່ານຜ່າໄປໄດ້ຫຼືບໍ່ ໃນບັນດາຫົວຂໍ້ໃຈກາງ.
ຫາງສຽງໄດ້ວິເຄາະວ່າ ເນື່ອງຈາກສອງຝ່າຍມີຄວາມຂັດແຍ້ງກັນສັບສົນຂຶ້ນເລື້ອຍໆໃນຫົວຂໍ້ໃຈກາງ, ການເຈລະຈາຮອບນີ້ຈະປະສົບຄວາມຫຍຸ້ງຍາກສົມຄວນ. ຂະນະດຽວກັນ, ພາຍໃນອີຢູ ກໍມີຈຸດຢືນທີ່ນັບມື້ນັບຄ້າຍຄືກັນໃນຫົວຂໍ້ການຖອນອອກຈາກອີຢູຂອງອັງກິດ ສະນັ້ນ, ອີຢູຈະໃຊ້ທ່າທີໃນການເຈລະຈາກັບອັງກິດໃນຕໍ່ໜ້າໃຫ້ແຂງແຮງກວ່າເກົ່າ.