ວັນທີ 17 ກໍລະກົດນີ້, ກະຊວງສາທາລະນະສຸກຟີລິບປິນກ່າວວ່າ: ການຕໍ່ສູ້ລະຫວ່າງກອງທັບຟີລິບປິນແລະກຸ່ມປະກອບອາວຸດຕໍ່ຕ້ານລັດຖະບານຢູ່ເມືອງມາລາວີ ທາງພາກໃຕ້ໄດ້ເຮັດໃຫ້ປະຊາຊົນ 465.000 ຄົນອົບພະຍົບຈາກບ້ານ, ຂະນະທີ່ລັດຖະບານກໍໄດ້ຮຽກຮ້ອງໃຫ້ຜູ້ອົບພະຍົບບໍ່ຄວນກັບຄືນເຂົ້າໃນເມືອງ ເພື່ອປ້ອງກັນບໍ່ໃຫ້ຖືກລູກຫຼົງ.
ທ່ານ ປາວຢິນ ເຈັນ ໂຣເຊວ ອູເບຍ ລັດຖະມົນຕີກະຊວງສາທາລະນະສຸກຟີລິບປິນໄດ້ຖະແຫຼງຂ່າວລາຍງານສະພາບການຈັດສັນຜູ້ປະສົບໄພ, ກອງທັບຟີລິບປິນໄດ້ຍິງປະທະກັບກຸ່ມປະກອບອາວຸດອາບູ ຊາຢັບແລະກຸ່ມຕໍ່ຕ້ານລັດຖະບານມາວເຕີຢູ່ເມືອງມາລາວີເປັນເວລາ 56 ວັນ. ປັດຈຸບັນໄດ້ສ້າງຕັ້ງສູນອົບພະຍົບ 87 ແຫ່ງເພື່ອໃຫ້ປະຊາຊົນ 2 ໝື່ນກວ່າຄົນອາໄສແລະອີກປະມານ 440.000 ຄົນໄປອາໄສຢູ່ນຳພີ່ນ້ອງ. ຂະນະດຽວກັນ, ລັດຖະບານກໍໄດ້ໃຊ້ທຶນແລະວັດຖຸທີ່ມີມູນຄ່າ 80 ລ້ານເປໂຊຫຼືປະມານ 694.700 ໂດລາສະຫະລັດ ເພື່ອຮັກສາສຸຂະພາບ,ອະນາໄມສິ່ງແວດລ້ອມແລະວຽກພະລາທິການ.
 |
