ຈີນເຕືອນອາເມລິກາຢ່າຝືນກະແສຂອງຍຸກສະໄໝ
2017-07-18 10:27:10 cri
ພາຍຫຼັງສະພາຕ່ຳອາເມລິກາໄດ້ຜ່ານ "ຍັດຕິນະໂຍບາຍປ້ອງກັນຊາດສົກງົບປະມານປີ 2018" ໃນວັນທີ 14 ກໍລະກົດນີ້ ລວມທັງໄດ້ຮຽກຮ້ອງໃຫ້ລັດຖະມົນຕີກະຊວງປ້ອງກັນຊາດຂອງຕົນຕີລາຄາຄວາມອາດສາມາດເຮັດໃຫ້ກຳປັ່ນຮົບອາເມລິກາແລະໄຕ້ຫວັນຈີນຢ້ຽມຢາມເຊິ່ງກັນແລະກັນ, ທ່ານລູ້ຄ່າງ ໂຄສົກກະຊວງການຕ່າງປະເທດຕອບຄຳຖາມນັກຂ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 17 ກໍລະກົດນີ້ວ່າ, ຂໍ້ກຳນົດທີ່ກ່ຽວຂ້ອງຂອງອາເມລິກາເປັນການລະເມີດນະໂຍບາຍຈີນດຽວແລະຫຼັກການໃນຖະແຫຼງການຮ່ວມສາມສະບັບລະຫວ່າງຈີນ-ອາເມລິກາຢ່າງໜັກໜ່ວງ ແລະເປັນການແຊກແຊງວຽກງານພາຍໃນຂອງຈີນ. ຈາກນີ້ຈີນຈິ່ງປະທ້ວງອາເມລິກາຢ່າງແຂງແຮງ ທັງນີ້ຈີນມີຫຼັກການທີ່ສະເໝີຕົ້ນສະເໝີປາຍແລະເດັດດ່ຽວຄັດຄ້ານທີ່ອາເມລິກາແລະໄຕ້ຫວັນຈີນມີການພົວພັນກັນທາງການແລະສາຍພົວພັນທາງການທະຫານທຸກຮູບແບບ. ດ້ວຍເຫດນີ້ຈີນຂໍເຕືອນເຖິງຄວາມອັນຕະລາຍຂອງມາດຕະການໃນຍັດຕິຂອງອາເມລິກາດ້ວຍຄວາມຫວັງດີ ໂດຍຢ່າໃຫ້ຍັດຕິນີ້ກາຍເປັນກົດໝາຍ ທັງຢ່າຝືນກະແສຂອງຍຸກສະໄໝ ແລະຫຼີກເວັ້ນການທຳລາຍການຮ່ວມມືລະຫວ່າງສອງປະເທດ.
