ເຈົ້າໜ້າທີ່ທະຫານປາກິສະຖານເປີດເຜີຍໃນວັນທີ 17 ກໍລະກົດນີ້ວ່າ, ເຈົ້າໜ້າທີ່ຂັ້ນສູງປະເທດຕົນແລະອິນເດຍໄດ້ໂທລະສັບດ່ວນຫາກັນແລ້ວໃນມື້ດຽວກັນ ໂດຍປາກິສະຖານໄດ້ປະທ້ວງຕໍ່ອິນເດຍທີ່ໂຈມຕີລົດທະຫານຢູ່ໃກ້ເສັ້ນຄວບຄຸມຕົວຈິງເຂດກັສເມຍ ເຊິ່ງເຫດດັ່ງກ່າວໄດ້ເຮັດໃຫ້ເຈົ້າໜ້າທີ່ທະຫານເສຍຊີວິດແລະບາດເຈັບ.
ເຈົ້າໜ້າທີ່ທະຫານປາກິສະຖານໄດ້ອອກຖະແຫຼງການໃນວັນທີ 16 ກໍລະກົດນີ້ວ່າ, ລົດທະຫານຄັນໜຶ່ງຂອງປະເທດຕົນຖືກທະຫານອິນເດຍລັດຍິງຢູ່ໃກ້ເສັ້ນຄວບຄຸມຕົວຈິງເຂດກັສເມຍ ແລ້ວຕົກລົງແມ່ນ້ຳນີລຳ ສົ່ງຜົນເຮັດໃຫ້ທະຫານ 4 ຄົນໃນລົດເສຍຊີວິດ. ຈາກນີ້ເຈົ້າໜ້າທີ່ທະຫານຂອງຕົນກໍໄດ້ຕອບໂຕ້ທະຫານອິນເດຍຄືນໃນພາຍຫຼັງ.
ອິນເດຍຍັງບໍ່ທັນມີຄວາມເຫັນຕໍ່ການກ່າວອ້າງດັ່ງກ່າວຂອງເຈົ້າໜ້າທີ່ປາກິສະຖານເທື່ອ.
 |
