ເຄື່ອງຈຳລອງການບິນລະດັບ D ຄື B737NG ທີ່ຄົ້ນຄວ້າແລະຜະລິດໂດຍບໍລິສັດລະບົບຈຳລອງການບິນຮ່ວມມືຈີນ-ອາເມລິກາ ທີ່ຕັ້ງຢູ່ເຂດພັກສິນຄ້າທ່າທຽນສິນນັ້ນ ໄດ້ມອບໃຫ້ບໍລິສັດຝຶກແອບການບິນຢ່າງປອດໄພທຽນສິນຢ່າງເປັນທາງການແລ້ວໃນວັນທີ 17 ກໍລະກົດນີ້ ເຊິ່ງການມອບເຄື່ອງຈຳລອງການບິນດັ່ງກ່າວ ເປັນຂີດໝາຍສະແດງໃຫ້ເຫັນວ່າ: ຈີນປະສົບຜົນສຳເລັດໃນການຄົ້ນຄວ້າເຕັກນິກດັ່ງກ່າວແລ້ວ.
ເຄື່ອງຈຳລອງການບິນລະດັບ D ແມ່ນເຄື່ອງຈຳລອງການບິນລະດັບສູງສຸດທີ່ອົງການການບິນພົນລະເຮືອສາກົນກຳນົດ ໂດຍສາມາດໃຊ້ແທນເຮືອບິນແທ້ໃນການຝຶກອົບຮົມນັກບິນ ແລະທີ່ພົ້ນເດັ່ນ ຄື ສາມາດຮັບປະກັນຄວາມປອດໄພທາງການບິນ, ຊຸກຍູ້ການພັດທະນາອຸດສາຫະກຳການບິນ ໂດຍສະເພາະການພັດທະນາການຂົນສົ່ງທາງອາກາດ. ກ່ອນໜ້ານີ້, ເຄື່ອງດັ່ງກ່າວໄດ້ນຳເຂົ້າຈາກຕ່າງປະເທດ 100% ເຊິ່ງມີລາຄາກວ່າ 10 ລ້ານໂດລາສະຫະລັດ.