ທ້າວ ຢາງຊຸ່ນລາຍ ຢູ່ຕາແສງຖູ້ເສີງເຂດຕຽນຈຸ່ນເມືອງຢີຊ່າງແຂວງຮູເປີຍ ສປ ຈີນ ໄດ້ລ້ຽງເຜິ້ງມາແຕ່ປີ 2002 ແລະຈາກປະສົບການໂຕຈິງໄດ້ເຮັດໃຫ້ປັດຈຸບັນໄດ້ເປັນພະນັກງານເຕັກນິກຂອງສະຫະກອນລ້ຽງເຜິ້ງຢູ່ເຂດຕຽນຈຸ່ນ ໂດຍຮັບຜິດຊອບແກ້ໄຂບັນຫາຫຍຸ້ງຍາກທີ່ຜູ້ລ້ຽງເຜິ້ງປະສົບໃນຂັ້ນຕອນຂອງການລ້ຽງເຜິ້ງ. ປີ 2015, ເຂດຕຽນຈຸ່ນໄດ້ສ້າງຕັ້ງສະຫະກອນວິຊາການລ້ຽງເຜິ້ງ ປະກອບມີກະສິກອນ 126 ຄອບຄົວ ແລະມີບໍລິສັດຮັບຜິດຊອບບັນຈຸແລະຈຳໜ່າຍນ້ຳເຜິ້ງທີ່ຜະລິດໄດ້. ຂ່າວແຈ້ງວ່າ: ໃນລະດູການນີ້, ເຂດດັ່ງກ່າວສາມາດຜະລິດນ້ຳເຜິ້ງໄດ້ແຕ່ມີ 3.000 ຫາ 4.000 ລິດແລະເມື່ອຄິດໄລ່ຕາມລາຄາຊື້ທີ່ຕ່ຳສຸດໃນປັດຈຸບັນ ຖືວ່ານ້ຳເຜິ້ງ 20 ລິດຂາຍໄດ້ 3.000 ກວ່າຢວນ. ຈາກນີ້ຈຶ່ງເຫັນໄດ້ວ່າ, ການປະຕິບັດຮູບແບບ "ບໍລິສັດບວກກັບສະຫະກອນແລະກະສິກອນ"ສາມາດເພີ່ມລາຍຮັບໃຫ້ແກ່ກະສິກອນເຂດດັ່ງກ່າວ.
