ຕອນບ່າຍວັນທີ 18 ກໍລະກົດນີ້ ຢູ່ນະຄອນຫຼວງວຽງຈັນ, ບໍລິສັດລົງທຶນພັດທະນາທາງຫຼວງຢຸນນານຈຳກັດແລະກະຊວງໂຍທາທິການແລະຂົນສົ່ງລາວໄດ້ລົງນາມໃນ "ບົດບັນທຶກຄວາມເຂົ້າໃຈ ສຶກສາຄວາມເປັນໄປໄດ້ໃນການກໍ່ສ້າງທາງດ່ວນແຕ່ເມືອງບໍ່ເຕັນແຂວງຫຼວງນ້ຳທາ ຫາເມືອງຫ້ວຍຊາຍແຂວງບໍ່ແກ້ວ" ໃນຕໍ່ໜ້າ.
ເສັ້ນທາງດ່ວນບໍ່ເຕັນ-ຫ້ວຍຊາຍຈະກໍ່ສ້າງເລີ່ມຈາກດ່ານບໍ່ເຕັນ ຊາຍແດນຈີນ-ລາວ ຮອດດ່ານຫ້ວຍຊາຍຊາຍແດນລາວ-ໄທ ໂດຍຜ່ານແຂວງຫຼວງນ້ຳທາແລະແຂວງບໍ່ແກ້ວ ຍາວທັງໝົດ 180 ກິໂລແມັດ ເຊິ່ງເປັນເສັ້ນທາງມາດຕະຖານໂດຍມີ 4 ຊ່ອງຈະລາຈອນ ແລະຈະລົງທຶນໃນຮູບແບບ BOT. ພາຍຫຼັງກໍ່ສ້າງສຳເລັດແລ້ວ, ການເດີນທາງຈາກດ່ານຫ້ວຍຊາຍຫາດ່ານບໍ່ເຕັນຈະໃຊ້ເວລາ 1 ຊົ່ວໂມງເຄິ່ງ ແລະສາມາດເຊື່ອມຕໍ່ຕໍ່ລົດໄຟລາວຈີນ ເຊິ່ງຫ້ວຍຊາຍຫານະຄອນຫຼວງວຽງຈັນຈະໃຊ້ເວລາ 6 ຊົ່ວໂມງ.