ແຫຼ່ງຂ່າວຈາກເວັບໄຊກະຊວງການຄ້າຈີນໃຫ້ຮູ້ວ່າ: ວັນທີ 14 ກໍລະກົດນີ້, ທ່ານເສີນເຕີໝິງ ສະມາຊິກສະພາປຶກສາການເມືອງປະຊາຊົນແຫ່ງຊາດ, ປະທານສະມາຄົມການພົວພັນສອງຝັ່ງຊ່ອງແຄບໄຕຫວັນຈີນ ໄດ້ຮັບລາງວັນຈີນສາຂາຜົນສຳເລັດດ້ານການຄ້າສິງກະໂປ 2017 ໂດຍທ່ານລີຊຽນລົງ ນາຍົກລັດຖະມົນຕີສິງກະໂປໄດ້ໃຫ້ກຽດມອບລາງວັນ. ຂະນະທີ່ທ່ານເສີນເຕີໝິງ ໄດ້ກ່າວໃນພິທີມອບລາງວັນວ່າ: ລາງວັນນີ້ເປັນຜົນມາຈາກທຸກໆຄົນທີ່ໄດ້ສຸມໃສ່ການຮ່ວມມືລະຫວ່າງຈີນ-ສິງກະໂປ, ຂະນະທີ່ຕົນຈະສືບຕໍ່ປະກອບສ່ວນທັງສະຕິປັນຍາແລະເຫື່ອແຮງເພື່ອການແລກປ່ຽນດ້ວຍໄມຕີຈິດມິດຕະພາບລະຫວ່າງສອງປະເທດ.
ລາງວັນຈີນການຄ້າໄດ້ສ້າງຕັ້ງຂຶ້ນໂດຍທ່ານລີກວນຢູ ອະດີດນາຍົກລັດຖະມົນຕີສິງກະໂປ ແລະ ທ່ານເວີນເຈຍປາວ ອະດີດນາຍົກລັດຖະມົນຕີຈີນ ເມື່ອປີ 2007 ເພື່ອຊຸກຍູ້ການແລກປ່ຽນແລະຮ່ວມມືລະຫວ່າງສອງປະເທດ ແລະ ປີນີ້ໄດ້ຈັດງານລ້ຽງກໍຄືພິທີມອບໃນໂອກາດວັນຄົບຮອບການສ້າງລາງວັນດັ່ງກ່າວ 10 ປີ ແລະ ເວທີປຶກສາຫາລືໂລກວ່າດ້ວຍອະນາຄົດຂອງຈີນ. ຂະນະທີ່ຜູ້ໄດ້ຮັບລາງວັນຈີນການຄ້າສາຂາວິສາຫະກິດປີນີ້ ຄື ໂຄງການທຶນການສຶກສາລະນຶກຫຼຽນຢິງໂຈ່ວ ມະຫາວິທະຍາໄລວິທະຍາສາດການຊ່າງໜານຢາງສິງກະໂປ ແລະ ຜູ້ໄດ້ຮັບລາງວັນສາຂາຊາວໜຸ່ມ ຄື ທ່ານຫຼີຈື້ສິນ ຫົວໜ້າຄະນະປະຕິບັດງານອາສໂຄດ.
