ວັນທີ 21 ກໍລະກົດນີ້, ເຈົ້າໜ້າທີ່ທະຫານປາກິສຖານກ່າວວ່າ, ມື້ດຽວກັນ, ທະຫານອິນເດຍໄດ້ຍິງປືນຕໍ່ເຂດທີ່ປາກິສຖານຄວບຄຸມຢູ່ກັສເມຍ, ເຮັດໃຫ້ປະຊາຊົນປາກິສຖານ 1 ຄົນເສຍຊີວິດ, 4 ຄົນບາດເຈັບ. ທະຫານປາກິສຖານໄດ້ຍິງຕອບໂຕ້ທະຫານອິນເດຍ.
ກົມຖະແຫຼງກອງທັບ ປາກິສຖານອອກຖະແຫຼງການວ່າ, ມື້ດຽວກັນ, ທະຫານອິນເດຍໄດ້ຍິງປືນຕໍ່ປະຊາຊົນທີ່ຢູ່ເບື້ອງປາກິສຖານຕອນກີກົດແລະລີປາຂອງເສັ້ນຄວບຄຸມລະຫວ່າງປາກິສຖານກັບອິນເດຍຂອງເຂດກັສເມຍ, ເຮັດໃຫ້ເດັກຍ ຊາຍຜູ້ 1 ເສຍຊີວິດ, 4 ຄົນບາດເຈັບ. ທະຫານປາກິສຖານໄດ້ຍິງຕອບໂຕ້ທະຫານອິນເດຍໃຫ້ເສຍຊີວິດ 3 ຄົນ, ແລະາຍຄົນບາດເຈັບ, ຂະນະດຽວກັນກໍໄດ້ທຳລາຍປົດຍາມຂອງທະຫານອິນເດຍ 3 ແຫ່ງ.
ຖະແຫຼງການກ່າວວ່າ, ໃນຫວ່າງມໍ່ໆນີ້, ພາຍໃຕ້ການຕອບໂຕ້ຂອງທະຫານປາກິສຖານ, ທະຫານອິນເດຍມີຄົນເສຍຊີວິດແລະບາດເຈັບຫຼາຍ, ພ້ອມດ້ວຍວັດຖຸກໍ່ເສຍຫາຍຫຼາຍ, ແຕ່ທະຫານອິນເດຍຍັງລະເມີດສັນຍາຢຸດຍິງຂອງສອງຝ່າຍເລື້ອຍໆ. ແຕ່ນີ້ຕໍ່ໄປ, ຝ່າຍທະຫານປາກິສຖານຈະພະຍາຍາມປົກປັກຮັກສາປະຊາຊົນຂອງຕົນ, ຍິງຕອບໂຕ້ຢ່າງເໝາະສົມຕໍ່ການໂຈມຕີຂອງທະຫານອິນເດຍ.
