ເຈົ້າໜ້າທີ່ກະຊວງພາຍໃນອາຟການິສະຖານຖະແຫຼງໃນວັນທີ 24 ກໍລະກົດນີ້ວ່າ, ເກີດເຫດການລະເບີດລົດຢູ່ນະຄອນຫຼວງກາບູນໃນຕອນເຊົ້າມື້ດຽວກັນ ເຮັດໃຫ້ມີຜູ້ເສຍຊີວິດ 24 ຄົນ, ບາດເຈັບ 42 ຄົນ, ຂະນະທີ່ທັງຜູ້ເສຍຊີວິດແລະບາດເຈັບລ້ວນແຕ່ເປັນປະຊາຊົນ.
ສື່ມວນຊົນທ້ອງຖິ່ນລາຍງານວ່າ, ເຫດລະເບີດດັ່ງກ່າວເກີດຂຶ້ນໃກ້ເຮືອນທ່ານໂມຮຳເມັດ ໂມຮາກິກ ຮອງນາຍົກລັດຖະມົນຕີອາຟການິສະຖານ ແລະປັດຈຸບັນຍັງບໍ່ຮູ້ວ່າທ່ານຢູ່ໃນເຮືອນຫຼືບໍ່ ໃນຂະນະເກີດເຫດ.
ຜູ້ເສຍຊີວິດແລະບາດເຈັບສ່ວນຫຼາຍເປັນຜູ້ໂດຍສານຢູ່ລົດໂດຍສານນ້ອຍຄັນໜຶ່ງ, ລົດຫຼາຍຄັນແລະຕຶກອາຄານບາງຫຼັງຢູ່ອ້ອມແອ້ມກໍໄດ້ຮັບຜົນເສຍຫາຍ ແລະຂະນະນີ້ຢູ່ໃນໄລຍະການເຂົ້າໄປຊ່ວຍເຫຼືອ.
ປັດຈຸບັນ, ຍັງບໍ່ມີອົງການຈັດຕັ້ງ ຫຼືບຸກຄົນໃດໆປະກາດຮັບຜິດຊອບກໍ່ເຫດການລະເບີດດັ່ງກ່າວເທື່ອ.