ວັນທີ 24 ກໍລະກົດນີ້, ຝູງມ້າພວມຫາກິນຢູ່ທົ່ງຫຍ້າປ່າຫຼີຄຸ່ນຂອງເຂດປົກຄອງຕົນເອງອຸຍເກີຊິ່ນຈ່ຽງ ໂດຍທົ່ງຫຍ້ານີ້ຢູ່ເມືອງຮ່າມີ້ທາງພາກຕາເວັນອອກສຽງເໜືອຂອງເຂດຊິ່ນຈ່ຽງ ເຊິ່ງສູງຈາກລະດັບໜ້ານ້ຳທະເລ 1.650 ແມັດ, ແມ່ນທົ່ງຫຍ້າໃຫຍ່ທີສອງຂອງເຂດດັ່ງກ່າວ. ຫຼຽວທົ່ວທົ່ງຫຍ້າກໍເຫັນງົວແລະແບ້ທັງຕຸ້ຍທັງໃຫຍ່,ຫຍ້າກໍຂຽວອຸ່ມທຸ່ມ ແລະອາກາດກໍປອດໂປ່ງອີກຕ່າງຫາກເຊິ່ງນອກຈາກເປັນແຫຼ່ງລໍ່ລ້ຽງຝູງສັດແລ້ວຍັງເປັນສະຖານທີ່ພັກຜ່ອນຢ່ອນອາລົມໃນລະດູໜາວແລະຫຼີກຄວາມຮ້ອນໃນລະດູຮ້ອນໄດ້ເປັນຢ່າງດີ. ໃນຊຸມປີຜ່ານມາ,ອົງການປົກຄອງທ້ອງຖິ່ນໄດ້ຕັ້ງໜ້າຊຸກຍູ້ການອະນຸລັກປ່າໄມ້ທຳມະຊາດ,ການສ້າງປ່າປ້ອງກັນທີ່ດິນ,ປູກຕົ້ນໄມ້ແລະປູກຫຍ້າໃສ່ທົ່ງຫຍ້າຄືນໃໝ່ແລະອື່ນໆ ເຊິ່ງໄດ້ເຮັດໃຫ້ສິ່ງແວດລ້ອມຢູ່ທ້ອງຖິ່ນໄດ້ຮັບການປັບປຸງດີຂຶ້ນຢ່າງຈະແຈ້ງ.