ວັນທີ 24 ກໍລະກົດນີ້, ບໍລິສັດ DiDi ໄດ້ປະກາດຈະລົງທຶນໃສ່ການລະດົມທຶນເທື່ອໃໝ່ຂອງບໍລິສັດ Grab ທີ່ເປັນຖານສຳຄັນສຳລັບການອອກເດີນທາງຕາມຄວາມຕ້ອງການແລະການຊຳລະຜ່ານໂທລະສັບມືຖືຂອງອາຊີຕາເວັນອອກສຽງໃຕ້.
ຂ່າວແຈ້ງວ່າ, ບໍລິສັດ DiDi ຈະຮ່ວມກັບທະນາຄານ Soft ລົງທຶນ 2 ຕື້ໂດລາສະຫະລັດເພື່ອສືບຕໍ່ສະໜັບສະໜູນບໍລິສັດ Grab ໃນການເສີມສ້າງຖານະນຳພາໃນເສດຖະກິດອິນເຕີເນັດຂອງພາກພື້ນ ເພື່ອສະໜອງຜະລິດຕະພັນຄົມມະນາຄົມແລະການທະນາຄານທີ່ປອດໄພໃຫ້ແກ່ຜູ້ບໍລິໂພກ ພ້ອມທັງສ້າງໂອກາດປະກອບອາຊີບແລະການເຕີບໂຕໃໝ່ຢ່າງບໍ່ຢຸດຢັ້ງ.
ບໍລິສັດ Grab ມີສຳນັກງານໃຫຍ່ຕັ້ງຢູ່ສິງກະໂປ ແມ່ນໜຶ່ງໃນຖານເຄື່ອນທີ່ທີ່ຄຶກຄັກທີ່ສຸດໃນພາກພື້ນ ເຊິ່ງມີຜູ້ດາວໂຫຼດຫຼາຍກວ່າ 50 ລ້ານເລກໝາຍ. ຂະນະດຽວກັນ, ບໍລິສັດດັ່ງກ່າວ ກໍມີຂະບວນລົດຂະໜາດໃຫຍ່ທີ່ສຸດຂອງພາກພື້ນ ໂດຍມີຜູ້ຂັບລົດຫຼາຍກວ່າ 1 ລ້ານ 1 ແສນຄົນໃຫ້ການບໍລິການລົດສະເພາະ, ລົດດ່ວນ, ລົດທາງດຽວກັນ, ລົດຈັກ, ລົດແທັກຊີ ແລະລົດຮັບເໝົາເປັນຕົ້ນຢູ່ 65 ຕົວເມືອງຂອງ 7 ປະເທດໃນອາຊີຕາເວັນອອກສຽງໃຕ້ ເຊິ່ງມີໃບຈອງເກືອບ 3 ລ້ານສະບັບຕໍ່ມື້ ແລະກວມ 95% ຂອງຕະຫຼາດລົດແທັກຊີຝ່າຍທີສາມ ແລະກວມ 71% ຂອງຕະຫຼາດຈ້າງລົດສ່ວນຕົວ.
 |
