ເຈົ້າໜ້າທີ່ກະຊວງປ້ອງກັນປະເທດອາເມລິກາກ່າວໃນວັນທີ 25 ກໍລະກົດນີ້ວ່າ: ກຳປັ່ນຮົບລຳໜຶ່ງຂອງກອງທັບເຮືອຕົນໄດ້ຍິງເຕືອນເຮືອຂອງອີຣານຫຼາຍນັດຫຼັງແລ່ນເຂົ້າມາໃກ້ຂະນະແລ່ນຜ່ານອ່າວເປີເຊຍ.
ເຈົ້າໜ້າທີ່ທີ່ບໍ່ປະສົງອອກນາມທ່ານນີ້ກ່າວຕໍ່ສື່ມວນຊົນວ່າ: ໃນມື້ດັ່ງກ່າວ, ໄດ້ມີເຮືອຂອງອີຣານລຳໜຶ່ງແລ່ນເຂົ້າມາໃກ້ທີ່ສຸດຄືບໍ່ເຖິງ 140 ແມັດ,ຂະນະທີ່ກຳປັ່ນລາດຕະເວນ USS ຂອງກອງທັບເຮືອອາເມລິກາແລ່ນຜ່ານເຂດທະເລເສັ້ນເໜືອຂອງອ່າວທະເລ.
ເຈົ້າໜ້າທີ່ທ່ານນີ້ກ່າວຕື່ມວ່າ: ລູກເຮືອ USS Thunderbolt ໄດ້ຍິງ ເຕືອນຫຼາຍນັດຫຼັງບໍ່ສຳເລັດໃນການຕິດຕໍ່ທາງໂຟນີກັບເຮືອຂອງອີຣານ. ຈາກນັ້ນ ເຮືອຂອງອີຣານໄດ້ຢຸດແລ່ນເຂົ້າໃກ້ກຳປັ່ນລາດຕະເວນຂອງອາເມລິກາ, ແຕ່ກໍສືບຕໍ່ຢຸດຢູ່ເຂດທະເລໃກ້ຄຽງເປັນເວລາຫຼາຍຊົ່ວໂມງ.