ຂະແໜງການສົ່ງເຂົ້າກ່ອງເປັນຂະແໜງການທີ່ເຕີບໃຫຍ່ຢ່າງວ່ອງໄວຢູ່ຈີນ ໂດຍເຫັນໄດ້ມາຮອດທ້າຍປີຜ່ານມາ, ລູກຄ້າໄດ້ສັ່ງຊື້ເຂົ້າກ່ອງທາງອິນເຕີເນັດເຖິງ 209 ລ້ານເທື່ອຄົນ ແລະໄດ້ເພີ່ມຂຶ້ນກວ່າ 80% ຕໍ່ປີ. ພະນັກງານສົ່ງເຂົ້າກ່ອງສ່ວນຫຼາຍຈະເປັນຜູ້ຊາຍ, ແຕ່ມີແຕ່ນາງຮວນຮວນໜຶ່ງດຽວເທົ່ານັ້ນ ທີ່ເປັນຄົນພິເສດໃນໝູ່ພະນັກງານດ້ວຍກັນແລະເນື່ອງຈາກນາງເປັນຄົນຮ່າງນ້ອຍຄີງບາງ ຈິ່ງເຮັດໃຫ້ຫຼາຍຄົນສົນໃຈເປັນພິເສດ. ຂະນະທີ່ບໍລິສັດປະຊຸມກັນໃນເວລາ 9 ໂມງ 30 ນາທີທຸກວັນ, ນາງຮວນຮວນໄດ້ກາຍເປັນພະນັກງານຜູ້ທີ່ເດັ່ນກວ່າໝູ່ໃນຖັນແຖວພະນັກງານດ້ວຍກັນ.
