ກອງປະຊຸມປຶກສາຫາລືແຜນການລວມສ້າງບ້ານດາວອັງຄານ (ຖານຈຳລອງດາວອັງຄານ) ຂອງຈີນ ແລະພິທີເຊັນສັນຍາ ໄດ້ຈັດຂຶ້ນຢູ່ເຂດເດີລິງຮາກິ່ງແຂວງປົກຄອງຕົນເອງເຜົ່າມົງໂກນເຜົ່າຕິເບດໄຫຊີ່ແຂວງຊິ່ງໄຫ ສປ ຈີນໃນວັນທີ 25 ກໍລະກົດນີ້ ເຊິ່ງເປັນຂີດໝາຍສະແດງໃຫ້ເຫັນວ່າ ຖານຈຳລອງດາວອັງຄານແຫ່ງທຳອິດຂອງຈີນ ຈະສ້າງຂຶ້ນຢູ່ກິ່ງແຂວງດັ່ງກ່າວຢ່າງເປັນທາງການ.
ກິ່ງແຂວງປົກຄອງຕົນເອງເຜົ່າມົງໂກນເຜົ່າຕິເບດໄຫຊີ່ ຕັ້ງຢູ່ພາກກາງພູພຽງຊິ່ງໄຫຕິເບດ, ມີພູມສັນຖານ Yardang ທີ່ພົ້ນເດັ່ນກວ່າເກົ່າແລະໃຫຍ່ທີ່ສຸດຂອງຈີນ ເຊິ່ງພູມສັນຖານ, ສະພາບດິນ, ທິວທັດທຳມະຊາດ ແລະເງື່ອນໄຂດິນຟ້າອາກາດທີ່ມີເອກະລັກຢູ່ແຫ່ງນີ້ ຄ້າຍຄືກັບຜິວໜ້າດາວອັງຄານທີ່ສຸດ.
ທ່ານ ລິວສຽວຊຸນ ຫົວໜ້າພະແນກສຳຫຼວດດວງຈັນແລະອະວະກາດທີ່ໄກສະຖາບັນວິທະຍາສາດສັງຄົມຈີນ ໃຫ້ຮູ້ວ່າ, ການທີ່ໂຄງການບ້ານດາວອັງຄານຈີນ ເລືອກສ້າງຢູ່ເຂດພູພຽງຊິງໄຫຕິເບດນັ້ນ ເປັນການເພີ່ມສະຖານທີ່ທ່ອງທ່ຽວທີ່ບໍ່ທຳມະດາ ແລະເປັນການສ້າງຖານພຶດຕິກຳວິທະຍາສາດແລະການສຶກສາທີ່ເປັນເອກະພາບກັນໃນຂົງເຂດການບິນອະວະກາດ, ດາລາສາດ, ທໍລະນີສາດ, ອຸທັກກະສາດ, ດິນຟ້າອາກາດ ແລະພະລັງງານໃໝ່ແຫ່ງທຳອິດຂອງຈີນ.
 |
