ເຈົ້າໜ້າທີ່ກະຊວງສາທາລະນະສຸກມຽນມາຢືນຢັນໃນວັນທີ 26 ກໍລະກົດນີ້ວ່າ, ພະຍາດໄຂ້ຫວັດໃຫຍ່ H1N1 ສາຍພັນ A ທີ່ເກີດຂຶ້ນຢູ່ປະເທດຕົນໃນໄລຍະນີ້ ໄດ້ເຮັດໃຫ້ 3 ຄົນເສຍຊີວິດ ແລະອີກ 16 ຄົນຖືກບົ່ງມະຕິວ່າຕິດເຊື້ອດັ່ງກ່າວ.
ຜູ້ເສຍຊີວິແມ່ນຜູ້ຊາຍອາຍຸ 25 ປີໜຶ່ງຄົນ, ແມ່ມານອາຍຸ 29 ປີໜຶ່ງຄົນ ແລະເດັກຊາຍອາຍຸ 6 ປີໜຶ່ງຄົນ. ຂ່າວແຈ້ງວ່າ, ຜູ້ຕິດພະຍາດສ່ວນຫຼາຍມາຈາກລັດຊິນ ທາງພາກຕາເວັນຕົກສຽງເໜືອ. ແນວໃດກໍດີ, ເຈົ້າໜ້າທີ່ກະຊວງສາທາລະນະສຸກ ເຕືອນໃຫ້ປະຊາຊົນຈົ່ງໃຊ້ມາດຕະການປ້ອງກັນ ພ້ອມທັງກ່າວວ່າ ບໍ່ຕ້ອງຢ້ານ ຫຼາຍເກີນໄປ.
ໄຂ້ຫວັດໃຫຍ່ H1N1 ສາຍພັນ A ຍັງມີຊື່ວ່າໄຂ້ຫວັດໝູ ເນື່ອງຈາກໂຕໝູມີໄວຣັດປະເພດນີ້ຫຼາຍທີ່ສຸດ, ແຕ່ຄົນເຮົາກິນຊີ້ນໝູຫຼືຜະລິດຕະພັນໝູນັ້ນຈະບໍ່ຕິດພະຍາດດັ່ງກ່າວ ເພາະວ່າໄວຣັດຈະແຜ່ລາມຜ່ານລະບົບຫາຍໃຈ.