ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນ ກ່າວໃນການຖະແຫຼງຂ່າວເມື່ອວັນທີ 25 ກໍລະກົດນີ້ວ່າ, ການຮ່ວມມືທາງລົດໄຟ ແມ່ນໂຄງການເຊື່ອມຈອດທີ່ສຳຄັນລະຫວ່າງຈີນກັບໄທພາຍໃຕ້ຂອບ "ໜຶ່ງແລວທາງໜຶ່ງເສັ້ນທາງ" ເຊິ່ງບໍ່ພຽງແຕ່ຈະບັນລຸການເຊື່ອມຈອດຕະຫຼາດສອງປະເທດຢ່າງແຂງແຮງເທົ່ານັ້ນ, ຍັງຈະຊຸກຍູ້ການພັດທະນາຂອງທົ່ວແຫຼມອິນດູຈີນ ຕະຫຼອດຮອດພາກພື້ນອາຊຽນນຳອີກ.
ທ່ານ ລູ້ຄ່າງ ກ່າວຕື່ມວ່າ, ການຮ່ວມມືທາງລົດໄຟແມ່ນໂຄງການສຳຄັນທີ່ຈີນແລະໄທຕ່າງກໍໄດ້ຮັບຜົນປະໂຫຍດຮ່ວມກັນ ເຊິ່ງບໍ່ພຽງແຕ່ຈະຊຸກຍູ້ການພັດທະນາເສດຖະກິດສັງຄົມຂອງໄທເທົ່ານັ້ນ, ຍັງຈະບັນລຸການບຸກທະລຸຂອງຕາໜ່າງທາງລົດໄຟຜ່ານອາຊີ ແລະຊຸກຍູ້ການພັດທະນາຂອງແຫຼມອິນດູຈີນ ແລະພາກພື້ນອາຊຽນ. ແນວໃດກໍດີ, ຈີນຍິນດີພະຍາຍາມຮ່ວມກັບໄທ ປະສານສົມທົບຢ່າງໃກ້ຊິດ ແລະພະຍາຍາມເຮັດໃຫ້ໄດ້ລົງມືສ້າງໂຄງການດັ່ງກ່າວໂດຍໄວ.